Vazhdon të realizohet me sukses Projekti i përbashkët mes KEC-it dhe SBASHK-ut
Durrës, 13 Qershor 2014
Po vjen duke u shpalosur me sukses projekti i përbashkët i KEC-it dhe SBASHK-ut,që është financuar nga KE (Këshilli Evropian). Projekti ka për qëllim fuqizimin e rolit të SBASHK-ut në hartimin e politikave arsimore. Për t’u arritur ky qëllim është paraparë të bëhet trajnimi përmes seminareve i një numri të konsiderueshëm të veprimtarëve dhe anëtarëve të SBASHK-ut nga e tërë Kosova. Në shërbim të kësaj në këtë fund të javës janë duke u mbajtur dy seminare. I pari ka për temë kryesore forcimin e kapaciteteve në udhëheqjen efektive të dialogut social dhe në të janë përfshirë 34 sindikalistë të arsimit nga komunat e Kosovës. Ata janë duke shtuar dituritë për mënyrën e dialogut me të tjetër përmes ligjëratave të prof. Dr. Lulzim Dragidella dhe asistentit të tij z.Bujar Thaçi. Ky seminar po tregon se një numër i anëtarëve të SBASHK-ut ka njohuri të mira nga kjo sferë dhe kjo nënkuptohet ngase ata kanë qenë pjesë e dialogut me MASHT-in dhe me institucione të tjera të Kosovës dhe për këtë flasin edhe arritjet e shumta në shërbim të mbrojtjes së të drejtave dhe kërkesave legjitime të mësimdhënësve. Pjesëmarrësit u janë mirënjohës KE-së dhe KEC-it që ua ka mundësuar që ky seminar i radhës të mbahet në ambientet e bukura në “Bonita”
Dy seminare të përfunduara me sukses
Dy seminaret e filluara më 13 qershor kanë përfunduar me sukses. Të dy këto aktivitete janë lidhur me projektin e përbashkët të KEC-it dhe SBASHK-ut e që mbështeten financiarisht nga Këshilli i Evropës dhe kanë qëllimin e përbashkët të fuqizimit të rolit të SBASHK-ut në hartimin e politikave arsimore. Në njërin seminar pjesëmarrësit me ligjëruesit z.Enver Krasniqi dhe z, Hajdar Hoxha kanë shtruar çështje me rëndësi lidhur me ngritjen e fondeve dhe menaxhimin e financave. Kjo temë ka zgjuar kërshërinë e sindikalistëve të arsimit të cilët ishin pjesë e këtij aktiviteti. Ata kanë treguar se njohin mirë disa çështje nga kjo sferë, por edhe kanë shtuar dituritë përmes fakteve e shembujve që ka prezantuar ligjëruesit.
Seminari tjetër kishte për qëllim trajnimin e pjesëmarrësve për një çështje tejet me rëndësi. Ata përmes ligjëratave dhe punës në grupe duke u gjetur në situata të ndryshme , që parashihnin format dhe mundësitë e dialogut janë trajnuar që në të ardhmen të jenë përfaqësues të denjë të SBASHK-ut në dialogun social për qeshje me rëndësi të arsimit në Kosovë dhe në mbrojtje të kërkesave dhe të drejtave të mësimdhënësve .
Përshtypjet e deklaruara të pjesëmarrësve dhe vlerësimi i ligjëruesve z. Lulzim Dragidella dhe z,Bujar Thaçi për angazhimet dhe arritjet tregojnë se që të dy këto seminare kanë përfunduar me sukses.
Të kujtojmë se këto janë vetëm disa nga aktivitet e SBASHK-ut.
SBASHK-u dërgon320 sindikalistë për pushime në Durrës
Prishtinë,20.06.2014-Krahas angazhimeve të shumta në shërbim të anëtarësisë kudo në Kosovë, SBASHK-u po vazhdon edhe këtë vit me aktivitetin tradicional për dërgimin e një numri të konsiderueshëm anëtarësh për pushime në bregdetin e bukur shqiptar. Këshilli i Përgjithshëm dhe Kryesia e SBASHK-ut e kishin marrë me shumë përkushtim këtë aktivitet dhe prandaj kishin caktuar me kohë përgjegjësit e këtij aktiviteti nga të gjithë regjionet e Kosovës. Atyre Kryesia e SBASHK-ut ua ka shtuar edhe tre anëtarë. Të gjithë së bashkua kanë mbajtur disa takime pune për ta konkretizuar aktivitetin këtë të premte me një takim përmbajtjesor pune. Komisioni ka vlerësuar se nga Komunat e Kosovës kanë arritur listat e pushuesve, numri i përgjithshëm i të cilëve arrijnë në 320. Për udhëtimin e tyre sa më të mbarë do të përkujdesën sindikalsitët Ramiz Polaci, Mustafë Beqiri, Taip Keqmezi,Kadri Thaqi, Lumni Drenjani, Beqir Berishae Drita Luzha, të cilët këtë besim e kanë marrë nga Këshilli i Përgjithshëm. Angazhime të mëdha në mirëvajtjen e pushimeve kanë bërë edhe Ymer Ymeri, Nezahate Jakupi e Jehona Oruqi. Këta dhjetë veprimtarë sindikalë angazhimet e tyre në shërbim të pushimeve sa më të organizuara do t'i vazhdojnë edhe gjatë gjithë qëndrimit të këtyre320 sindikalistëve në ambientet e bukura të Kompleksit Hotelier Turistik “Bonita” në Durrës. Pushimet e këtyre sindikalistëve fillojnë të hënën ,23 qershor e për t’u përmbyllur më 28 qershor. Në mbledhjen e komisionit është thënë se gjatë pushimeve të këtyre sindikalistëve do të zhvillohen edhe aktivitete sindikale dhe do të ketë takime me sindikalistët e arsimit shqiptarë për të bashkëbiseduar e bartur përvoja të angazhimeve sindikale. Pjesëmarrësit e këtij aktiviteti rekreativ do të kenë mundësi të shprehin përshtypjet e tyre në një ditar të veçantë dhe ato do të barten pastaj në gazetën elektronike të SBASHK-ut.
SBASHK-u dërgoi në Durrës 320 punëtorë të arsimit nga e tërë Kosova
Në shenjë respekti për angazhimet dhe arritjet në procesin edukativo-arsimor, SBASHK-u dërgoi në bregdetin shqiptar 320 punëtorë të arsimit nga të gjitha Komunat e Kosovës. Këta sindikalistë janë vendosur në ambientet e bukura të Kompleksit Turistik Hotelier “Bonita” në Durrës dhe i janë mirënjohës SBASHK-ut për mundësinë e dhënë që të pushojnë por edhe të krijojnë njohje të reja e të shkëmbejnë përvoja të punës edukative. Kjo traditë e mirë në SBASHK ka filluar para 4 vitesh dhe falë menaxhimit të mirë të mjeteve Fondi për rekreacion, që është formuar me vendimin e Këshillit Drejtues, ka mundësuar që numri i pushuesve të shtohet nga viti në vit.
Dërgimi i sindikalistëve të arsimit për pushime është vetëm njëri ndër aktivitetet e shumta të SBASHK-ut në këtë vit. Ata kanë zhvilluar edhe shumë aktivitete në ngritjen dhe forcimin e kapaciteteve të sindikatës së tyre, në përgatitjen për t’u përballur me sfidat e kohës, në forcimin e komunikimit dhe unitetit she sfera të tjera me rëndësi për organizimin e mirëfilltë sindikal.
Në kryesinë e SBASHK-ut janë të vetëdijshëm se numri i punëtorëve të arsimit që meritojnë të dërgohen për pushime është shumë i madh, por ata kanë vepruar brenda mundësive që lejon Fondi për rekreacion e duke u bazuar në kriteret e përcaktuara nga Këshilli Drejtues, i cili ka vendosur që për pushime në Durrës të dërgohet 1 në çdo 60 anëtarë të SBASHK-ut nga gjithë komunat e Kosovës bazuar në kriteret konkrete që duhej plotësuar anëtarët e SBASHK-ut për të qenë në listën e pushuesve në bregdetin e bukur shqiptar. Që çdo gjë të shkojë mirë, një punë korrekte e të angazhuar janë duke bërë edhe përgjegjësit për mirëvajtjen e pushimeve, që janë caktuar nga Këshilli Drejtues dhe komisioni i caktuar nga kryesia e SBASHK-ut.
Pushuesit ndjehen mirë buzë detit dhe u janë mirënjohës kolegëve të tyre dhe SBASHK-ut për mundësinë e dhënë për të kaluar në një atmosferë kaq të bukur 5 ditë pushimi. Ata falënderojnë edhe pronarin, Astrit Ismaili, dhe gjithë stafin e Kompleksit Turistik Hotelier “Bonita” për pritjen dhe për gjithë kujdesin që po tregojnë në mënyrë që çdo gjë të jetë në nivel gjatë gjithë kohës së pushimeve të merituara të këtyre anëtarëve të SBASHK-ut.
Atmosferë e këndshme e plot humor të lehtë në “Bonita”
Durrës,26.06.2014-Valët e qeta të detit shqiptar, atmosfera e këndshme e plot humor të lehtë, qëndrimi korrekt e i kulturuar i personelit dhe mikpritja e buzëqeshja vëllazërore e pronarit të Kompleksit Hotelier Turistik “Bonita”, z. Astrit Ismaili, kanë bërë që të 320 anëtarët e SBASHK-ut ta ndjejnë vetën e tyre mirë e plot relaksim. Kësaj atmosfere i kontribuojnë të gjithë duke treguar se janë plot dinjitet. Pushuesit komunikojnë lehtë e qetë me përgjegjësit e caktuar nga Këshilli Drejtues dhe me Komisionin e emëruar nga Kryesia e SBASHK-ut. Çdo gjë po shkon bukur, po ditët e pushimit po ikin shpejt.
Përgjegjësit Ramiz Polaci, Mustafë Beqiri, Taip Keqmezi,Kadri Thaqi, Lumni Drenjani, Beqir Berisha e Drita Luzha, të cilët këtë besim e kanë marrë nga Këshilli i Përgjithshëm, dhe Ymer Ymeri, Nezafete Jakupi e Jehona Oruqi të angazhuar nga Kryesia e SBASHK-ut takohen çdo mbrëmje dhe bëjnë qetazi analizën e ditës që kaloi.
“Mësimdhënësit nga komunat, për të cilët përgjegjës jam unë, shprehen të kënaqur dhe kanë lëvdata për çdo gjë. Pushimi po na shkon si është më se miri”, flet në takimin e tyre, z. Ramiz Polaci.
“Bukur e çdo gjë në rregull është edhe tek ne “, shprehet Mustafa duke shtuar se pushuesit nuk po shikojnë më komunat, po të gjithë bashkë po vallëzojnë, këndojnë e po përcjellin takimet e shahut, që janë bërë interesante dhe se deri në fund vështirë po dihet fituesi.
Lumniu, po ashtu tregon se atmosfera mes anëtarëve që përfaqëson ai është në nivel dhe se në pauzat e vogla pushuesit po mblidhen të një tavolinë që është kthyer në arenë të ndeshjes në shah.
Kadriu, është i kënaqur me ato që ka dëgjuar nga bashkëbiseda me pushuesit. Ai takohet me shumë nga ta duke krijuar një atmosferë të këndshme e me plot humor të qetë.
Taipi, po ashtu shprehet i kënaqur nga bisedat me koleget e kolegët e tij. Ai tregon se në përgjithësi të gjithë po kalojnë mirë dhe se janë të kënaqur me kushtet këtu.
Edhe Drita ka fjalë të mira për gjithë atmosferën. Ajo përgëzon të 320 mësimdhënësit pushues këtu duke apeluar që në vitin e ardhshëm të ketë edhe më shumë kolege sindikaliste në pushimet e merituara e që i organizon tradicionalisht SBASHK-u. Të gjithë pajtohen me mendimin e Dritës.
Kryetari i SBASHK-ut Rrahman Jasharaj bashkë me Ymerin , Nezin e Jehonën i dëgjojnë me vëmendje dhe ndjehen edhe ata mirë për këtë atmosferë spontane, por të këndshme. Për të kujtuar këto momente të bukura sindikalistët sipas idesë kreative të Jehonës dhe kolegeve të saj, kanë punuar një skulpturë nga rëra duke skalitur te to akronimin SBASHK si dhe logon.
Do theksuar se atmosferës festive te ambientet e Kompleksit Hotelier Turistik po i kontribuon edhe kolegu ynë Azem Jahiri , i cili me tingujt e bukur të sharkisë e me zërin prej një rapsodi të vërtetë ka bërë që afër tij të mblidhen pushues nga të gjitha komunat dhe të përcjellin këngët që ai këndon me duartrokitje e me urimet më të mira.
Vërtetë atmosferë e këndshme e plot humor të lehtë në “Bonita” e ditët e pushimit po ikin shpejt.
Pushuesit në Durrës i shkruajnë SBASHK-ut
Pesë ditë ishin pushimet për 320 sindikalistë të SBASHK-ut e ato ikën si pesë minuta. Ky vlerësim del nga përshtypjet që pushuesit nga shumë komuna të Kosovës i kanë në letër. Këtë gjë ata e kanë bërë spontanisht pa qenë të obliguar dhe prandaj fjalët e tyre janë plot sinqeritet dhe të thëna nga zemra.
Ne do të nxjerrim fjali nga këto letra në mënyrë që t’i prezantojmë që të gjithë nga pak në këtë shkrim përmbyllës për pushimet në ambientet e mrekullueshme të hotelit “Bonita” dhe të plazhit në bregdetin shqiptar të Durrësit. Po këto përshtypje do t’i ruajmë dhe do të jenë në dispozicion të secilit që ka dëshirë t’i lexojë të plota e të gjitha, por me kushtin që t’i lë prapë në zyrat e SBASHK-ut sepse do t’i ruajmë për kujtim nga pushimet 23-28 qershor 2014.
“Falë nderojmë SBASHK-un për këtë organizim kaq të mrekullueshëm. Falënderojmë edhe menaxherin dhe gjithë stafin e Hotelit “Bonita” për respektin që na kanë bërë ”, thuhet në letrën e pushuesve nga Mitrovica.
“Madhështinë këtij organizimi ia begatonte shoqërimi i mësimdhënësve nga e tërë Kosova . Ata bashkëbisedonin për arsimin. Ata ishin në të njëjtën
këngë e në të njëjtën valle”, janë shprehur pushuesit nga Istogu.
“ Respekt për punën e madhe që ka bërë e po bën SBASHK-u. Ky është një respekt për njerëzit meritor të arsimit shqip. E dimë që ka edhe shumë e shumë kolegë tonë që meritojnë të vijnë në pushime dhe shpresojmë se ata do ta kenë këtë kënaqësi viteve në vijim”, thonë pushuesit nga Klina.
“Udhëtimi i organizuar. Vendosja nëpër dhoma në mënyrën më korrekte. Kujdesi i përgjegjësve dhe i kryetarit Rrahman Jasharaj. Respekti i gjithë të punësuarve në “Bonita” dhe gjithë ai respekt mes pushuesve janë virtyte që e bëjnë madhështor këtë aktivitet”, janë përshtypjet e pushuesve nga Peja.
“Ishte aq bukur. Ishte mrekullia vetë dhe prandaj propozojmë që SBASHK-u të vazhdojë me këtë traditë të bukur. Me sjelljet e tyre mësimdhënësit e Kosovës në Durrës e nderuan profesionin e tyre human. Ju lumtë të gjithëve”, janë shprehur pushuesit nga Drenasi.
“Gjatë pushimit u njohëm nga afër me gjithë kolegët nga komunat tjera të Kosovës. Kënaqësi ishte kur bashkëbisedonim, këndonim e vallëzonim të gjithë në një valle. Kjo traditë duhet vazhduar dhe SBASHK-u meriton përgëzime”, thonë në letrën e tyre pushuesit nga Kaçaniku.
Lexues i nderuar, në SBASHK kemi edhe shumë letra të tjera. Kësaj radhe u ndalem të letrat që pushuesit i kanë shkruar në emër të gjithë pushuesve nga komunat e tyre. Letrat individuale që janë me përplot fjalë të bukura e përgëzime do i botojmë herëve tjera. Ju përshëndesim dhe të 320 pushuesit i falënderojmë për qëndrimin e tyre dinjitoz gjatë gjithë kohës që nga 23 e deri më 28 qershor.
Shqetësime të paarsyeshme rreth mundësisë për “teprica teknologjike”
Prishtinë, 03 Korrik 2014
Siç e di opinioni është folur e është përfolur shumë se me shuarjen e viteve të 13-ta një numër i konsiderueshëm i mësimdhënësve, që ishte i angazhuar në këto vite ka rrezik të mbetet tepricë teknologjike. Këtë shqetësim SBASHK-u e ka kuptuar realisht dhe ka vënë kontakte me zyrtarë të lartë të MASHT-it duke bashkëbiseduar për këtë çështje.
MASHT-i që në qershor është shprehur kategorik se për arsye të shuarjes së viteve të 13-ta as një mësimdhënësi të kualifikuar nuk do t’i rrezikohet një pjesë e normës apo vendi i punës në tërësi. MASHT-i ka sqaruar se për këtë ka dërguar në të gjitha DKA-të një Udhëzim Administrativ me udhëzime konkrete. SBASHK-u ka përgëzuar MASHT-in për mirëkuptimin dhe angazhimin konkret e pozitiv rreth kësaj duke e konsideruar si çështje të mbyllur në formën më pozitive.
Mirëpo ditëve të fundit nga kolegët tonë sindikalistë dhe nga kryetarët e Kuvendeve të Sindikatave të SAF e SAM të disa komunave kemi informacione se kjo çështja e tepricave teknologjie është riaktualizuar duke krijuar shqetësime të reja. Delegacioni i SBASHK-ut i kryesuar nga kryetari Rrahman Jasharaj bashkë me nënkryetarin Rexhep Sadiku dhe menaxherin financiar Ymer Ymeri kanë zhvilluar dje një takim pune me zv/ministrin e MASHT-it, z. Nehat Mustafa dhe Këshilltarin e lartë , z. Agim Berisha.
Zv/Ministri Mustafa dhe Këshilltari Berisha kanë përsëritur atë që e kanë thënë në fillim se nuk do të ketë teprica teknologjike për arsye të shuarjes së viteve të 13-ta. Z. Mustafa ka kujtuar se MASHT-i lidhur me këtë çështje ua ka dërguar Udhëzimin Administrativ të gjitha DKA-ve duke u dhënë udhëzime se si të veprojnë në mënyrë që të zgjidhet në mënyrën më të mirë kjo çështje dhe që të mos mbetet as edhe një mësimdhënës i diplomuar e që ishte i angazhuar në vitet e 13-ta pa normë apo pa vend pune.
SBASHK-u edhe përmes kësaj komunikate u drejtohet zyrtarëve të lartë në DKA që të veprojnë konformë kësaj dhe Udhëzimit Administrativ në mënyrë që viti i ri shkollor të fillojë solemnisht. Nëse DKA-të veprojnë kokë me vete dhe jashtë kësaj marrëveshje dhe Udhëzimit Administrativ atëherë SBASHK-u do të reagojë me të gjitha veprimet e lejuara sindikale duke mos përjashtuar as grevën e përgjithshme.
Aktivitetet - QSME
1. Kurset e kompjuterëve-niveli themelor.
2. Kurset e gjuhës Angleze
-niveli i parë dhe i dytë.
Organizimi i seminareve
Temat e seminareve
1. Trajnimi i trajnerëve për të drejtat e njeriut, prindërve, grave dhe fëmijëve(një seminar 5 ditorë,me 20 pjesëmarrës )
2. Trajnimi i trajnerëve për Mirëbesimin dhe Pajtueshmërinë( dy seminare nga 3 ditë, nga 12 pjesëmarrës )
3. Në vit, tri tryeza të rrumbullakëta njëditore, me nga 20 pjesëmarrës. Tema: Çështjet Sindikale dhe zhvillimet e plan-programit mësimorë.
Një ekskursion 3 ditorë në rajon, me 50 pjesëmarrës.
4. Seminari “ Demokracia në shoqërinë Multi-Etnike” 2 herë në vit, me nga 20 pjesëmarrës.
Të gjitha këto aktivitete bëhen nga pjesëmarrësit e të gjitha komuniteteve në Kosovë
( Shqiptarë, Serb, Turk, Rom dhe Boshnjak).
Hapja solemne e këtij Projekti është bërë me 5 Janar 2010, ku ishin të pranishëm personalitete nga shumë lëmi dhe institucione: Ambasada e Holandës në Kosovë, Zëvendës Ministri i MASHT-it, Kryetari i SBASHK-ut, Kryetari i SOK-ut, përfaqësues sindikal nga Kosova, institucionet e arsimit, drejtor drejtorish e shumë të tjerë. Të gjitha këto aktivitete bëhen nga pjesëmarrësit e të gjitha komuniteteve në Kosovë
( Shqiptarë, Serb, Turk, Rom dhe Boshnjak).
Të gjitha aktivitetet e programit për vitin 2010, janë realizuar dhe zbatuar në përpikshmëri dhe sipas qëllimit dhe kërkesave. Kemi pasur vetëm një ngecje tek numri i pjesëmarrësve nga komuniteti Serb në grupet e kurseve të gjuhës angleze dhe kurseve të kompjuterëve, kurse të gjitha aktivitetet tjera janë realizuar 100 % e diku edhe më tepër.
Vlen të përmendet ekskursioni i përbashkët i të gjithë Sindikalistëve që u realizua gjatë muajit Qershor 2010 në Shqipëri, ku të gjithë pjesëmarrësit ishin tejet të kënaqur me organizim dhe pjesëmarrje të shkëlqyer ku me këtë rast u shkëmbyen përvoja të ndryshme. Gjatë vitit 2010 nëpër kurset e gjuhës angleze dhe kurset e kompjuterëve kaluan mbi 800 arsimtarë. Në seminare morën pjesë mbi 124 seminaristë. Në tri tryeza të rrumbullakëta morën pjesë mbi 65 pjesëmarrës.
Të gjitha këto aktivitete i përmbushën synimet dhe kërkesat tona sipas projektit.
Edhe në vitin 2011, sipas planit kemi mbajtur një tryezë të rrumbullakët dhe tri seminare.
Kurset vazhdojnë punën sipas agjendës. Vlen të theksohet se në Qendrën Sindikale Multi- Etnike kryen veprimtarinë e vet edhe kursi i ECDL-së pasi që SBASHK-u mori licencën për këtë veprimtari.
Pajisjet:
Një sallë për mësim të gjuhës angleze dhe një sallë e informatikës, të pajisura njëra me 30 kompjuterë dhe tjetra me 20 kompjuterë.
Zyra për Koordinatorët dhe pajisje tjera të nevojshme për punë normale.
Të punësuar:
dy Koordinatorë,
dy arsimtarë –përkthyes,
dy për çështje financiare,
një pastrues,
dy roje,
një arsimtarë për grupe punuese.
Falënderojmë:
FNV-Leo Lesman; AOB-Trudy Kerpeiren; MASHT- Enver Hoxhaj; DKA Prishtinë dhe të gjithë ata që ndihmuan në këtë projekt.
Një falënderim i veçantë shkon edhe për Shaban Kastratin, Drejtor në SH.M.T “ Shtjefën Gjeqovi” -Prishtinë.
Falënderojmë edhe anëtarësinë e SOK-ut.
Të gjithë ju që jeni të interesuar si sindikalistë dhe si arsimtarë, ejani në këtë Qendër dhe do të gjeni kënaqësi.
Shërbimet janë falas!
Bislim Behrami
Koordinator, QSME
Komunikatë për media
Prishtinë, 20 Qërshor 2011
Deklaratat publike të Ministrit të Ekonomisë dhe Financave, z. Bedri Hamza lidhur me çështjen e dhënies a mosdhënies së ndryshimit të rritjes së pagave për muajt janar dhe shkurt ka bërë që me kërkesën e anëtarësisë nëpër komunat e Kosovës të ftohet mbledhja e jashtëzakonshme e Këshillit të Përgjithshëm të SBASHK-ut. Pasi në fillimet e këtij takimi të pranishmit kanë dëgjuar nga kryetari, z. Ali Shabanaj, angazhimet dhe aktivitetet e kryesisë së SBASHK-ut, është kaluar në diskutimin lidhur me atmosferën e krijuar nëpër shkolla lidhur me mospagesën e ndryshimit të ngritjes së pagave për muajt janar dhe shkurt, e sidomos pas deklarimeve publike lidhur me këtë çështje nga ana e Ministrit Hamza.
Komunikatë për media
Prishtinë, 24 Qërshor 2011
Ashtu si kishte premtuar SBASHK-u po vazhdon me traditën e mirë për t’ju mundësuar anëtarëve të saj që edhe ata të shijojnë për ca ditë bukuritë e bregdetit shqiptar. Vitin e kaluar në Durrës ishin dërguar në pushime 100 mësimdhënës nga e tërë Kosova me mjetet nga fondi i SBASHK-ut dhe kjo ishte arritur falë menaxhimit fort me kujdes të mjeteve vite me radhë. Duke vazhduar me një menaxhim të tillë, këtë vit Këshilli i Përgjithshëm , pasi ka analizuar e aprovuar Raportin buxhetor, ka parë mundësinë që të shtojë numrin e mësimdhënësve në 200 , të cilët janë akomoduar në Kompleksin Turistik “Bonita” në Durrës.
Pse kontrata njëvjeçare të Mësimdhënësve?
Prishtinë, 21 Shtator 2011
Drejtoritë arsimore në të shumtën e rasteve shkelin ligjet në fuqi të Republikës së Kosovës në çdo fillimvit me kontratat e punës të të punësuarve në arsimin parauniversitar.
SBASHK-u duke konsultuar Ligjin e punës, Ligji i shërbyesve civil, Ligji i arsimit parauniversitar, ligji për marrëdhënie pune dhe Udhëzimet Administrative të vitit 2008 dhe 2010 të lëshuar nga kabineti i MASHT-it, konsideron se po bëhen shkelje drastike ligjore dhe reagon me abuzimet e shumë drejtorëve të DKA-ve të cilët për të siguruar lojalitetin e punëtorëve arsimor lëshojnë kontrata të punës njëvjeçare në kundërshtim të plotë ligjor .Në këtë mënyrë reagimi zinxhiror dhe shumë i arsyeshëm i mësimdhënësve do t’a rrezikonte vijimin normal të procesit mësimor. Për këtë është informuar Ministri i arsimit, i cili ka shprehur habinë pse ndodhe një gjë e tillë.