Sindikata e Bashkuar e Arsimit Shkencës dhe Kulturës

Nënëkryetari Mani takon kolegët sindikalistë në Vushtrri

Vushtrri, 14 mars 2014 – Nënkryetari i Sindikatës së Bashkuar të Arsimit Shkencës dhe Kulturës(SBASHK),  Lutfi Mani është takuar me kolegët sindikalistë në Vushtrri. Atje është biseduar për shumë çështje dhe janë dhënë detyra konkrete për kryesinë e SBASHK-ut.

Kryetari Jasharaj merr pjesë në takimin festiv të gjimnazit “Gjon Buzuku”

Prizren, 15 mars 2014 – Kryetari i Sindikatës së Bashkuar të Arsimit Shkencës dhe Kulturës(SBASHK), Rrahman Jasharaj së bashku me bashkëpunëtor kanë marrë pjesë në organizmin festiv e sportiv të organizuar nga gjimnazi “Gjon Buzu” në Prizren dhe “Gjimnazit 13” nga Zagrebi. Kryetari i SBASHK-ut , Rrahman Jasharaj ka mbajtur një falim përshëndetës dhe ka ndarë një dhuratë për miqtë nga kryeqyteti i Kroacisë. Palët u pajtuan të vazhdohet me kontakte dhe me bashkëpunimin e ndërsjellë. Ndërsa takimet me institucionet dhe vizitat në shërbim të punës, aktivitetit dhe arritjeve të reja do  të vazhdojmë dhe ne kolegë të nderuar presim kontributin tuaj të vazhdueshëm.

19 mars 2014 - Një delegacion i  Sindikatës së Bashkuar të Arsimit Shkencës dhe Kulturës(SBASHK), ka vizituar komunat e Gjilanit, Vitisë dhe Kamenicës. Kryetari i SBASHK-ut , z. Rrahman Jasharaj dhe menaxheri financiar,z. Ymer Ymeri janë takuar me kryetarët e Kuvendeve të Sindikatës së Arsimit Fillor e Sindikatës së Arsimit të Mesëm të këtyre komunave. Takimet ishin mjaft produktive në të cilat u diskutua për angazhimet  e përbashkëta. Pas takimeve të punës sindikalistët së bashku kanë vizutuar ambientet e Shkollës së Mesme të Ultë  "Skënderbeu"  në Përlepnicë dhe drejtoresha ka zhvilluar me ta një bisede lidhur me punën në arsim dhe aktivitetet sindikale.  Ajo u ka dhuruar  mysafireve nga një Monografi për shkollën e saj. Ndërsa, Blerim Mehmeti, Taip Keqmezi, Murat Abazi dhe prof. Zejnulla Zejnullahu janë kanë falënderuar delegacionin e SBASHK-t dhe kane kërkuar angazhime edhe në të ardhmen nga Kryesia e kësaj sindikate.

Prishtinë, 20.03.2014 -  Kryetari i Bashkimit të Sindikatave të Pavarura të Kosovës (BSPK) z.Haxhi Arifi me bashkëpunëtorë,  vizitoi zyret e Sindikatës së Arsimit,Shkencës dhe Kulturës e Kosovës(SBASHK).

Ai uroi kryetarin e ri z.Rrahman Jasharaj dhe Kryesinë e SBASHK-ut për detyrën e re si dhe uroi që bashkëpunimi në mes BSPK dhe SBASHK të vazhdon edhe në të ardhmen.
Po ashtu z.Arifi në këtë takim i dorëzoi z.Jasharaj Kontratën e re të Përgjithshme Kolektive .

SBASHK-u i gatshëm për nënshkrimin e Kontratës Kolektive me MASHT-in

Fondacioni  Fridrisch Ebert Stiftung i gatshëm ta përkrah aktivitetin sindikal të SBASHK-ut

Prishtinë,24 mars 2014- Zyrtari  i lartë nga zyra në Prishtinë i Fondacionit Fridrisch Ebert Stiftung, z. Alush  Berisha,  është takuar me Kryesinë e SBASHK-ut në një takim pune. Berisha  ka shprehur gatishmërinë e Fondacionit, që përfaqëson, për të përkrahur aktivitetet sindikale të SBASHK-ut. Ai është shprehur se me përkrahjen e BE-së Fondacioni Stiftung angazhohet për të ndihmuar sindikatat me qëllim të forcimit dhe unifikimit të tyre. 
Kryesia e SBASHK-ut ka pritur me kënaqësi propozimin e z. Berishës dhe Fondacionit Stiftung që SBASHK-u të ndihmohet me mjete dhe teknikën e nevojshme për punimin e kartelave identifikuese të anëtarëve të SBASHK-ut.
Ishte  mendim i përbashkët se me këtë veprim do të hapej rruga për arritje të marrëveshjeve me firmat e mëdha  tregtare që mësimdhënësit përmes kartelës së tyre të gëzojnë lirime të artikujve të përditshëm  në pikat shitëse të firmave, që do të lidhnin marrëveshje mirëkuptimi për këtë çështje me SBASHK-un.  
Zyrtari  i lartë nga zyra në Prishtinë i Fondacionit Fridrisch Ebert Stiftung, z. Alush  Berisha është  shprehur i bindur se në pjesën e parë të prillit do të fillojë së aplikuari në SBASHK punimi i kartelave identifikuese për anëtarët  e kësaj sindikale. 

Do të jetë kjo një përkrahje  dhe ndihmë e madhe e këtij Fondacioni për SBASHK-un.

Takim përgatitor për nënshkrimin e Kontratës Kolektive Sektoriale

Prishtinë, 28 mars 2014 - Në kuadër të angazhimeve dhe përgatitjeve për nënshkrimin e Kontratës Kolektive Sektoriale javën që vjen,  një delegacion i Sindikatës së Bashkuar të Arsimit Shkencës dhe Kulturës është  takuar të premten, në ambientet e Ministrisë së Arsimit Shkencës dhe Teknologjisë  me këshilltaren  e Ministrit Buja,  znj. Selvie  Halimi. Të dy palët janë pajtuar se do të punojnë me përkushtim në mënyrë që çdo gjë të jetë gati për nënshkrimin e Kontratës Kolektive në javën e ardhshme.

 
Seideneck me bashkëpunëtorët vizitoi të shtunën SBASHK-un 

Prishtinë,05.04.2014-Përfaqësuesi i lartë i Bashkimit të Konfederatave Sindikale Evropiane, z. Peter Seideneck me bashkëpunëtorët ka vizituar të  shtunën  selinë e SBASHK-ut për të zhvilluar një takim punë me përfaqësues të Sindikatës sonë. 
    “Kosova po ec me hapa të sigurt  drejt  anëtarësisë në BE dhe prandaj edhe Sindikatat duhet të vazhdojnë me reformat dhe angazhimet për të plotësuar gjithë kriteret që kërkohen nga to”, ka thënë në fillim të takimit Seideneck për të kërkuar pastaj angazhime të sindikatave për forcimin e rolit të tyre dhe për angazhime të vazhdueshme  në mbrojtjen dhe realizimin e të drejtave  të anëtarësisë.  Ai ka lavdëruar arritjet në SBASHK dhe ka kërkuar që të vazhdohet me takime e tryeza për shtimin e njohurive mes të rinjve për rolin dhe mundësitë e sindikatës. Përfaqësuesit e SBASHK-ut kanë falënderuar mysafirët për vizitën dhe këshillat dhe janë deklaruar se SBASHK-u është Sindikata me e fortë dhe më  e organizuar në Kosovë dhe prandaj edhe kërkon vend meritor në të gjitha zhvillimet sindikale  në shoqëri.
    Të dy palët janë pajtuar për vazhdimin e bashkëpunimit, ndërsa SBASHK-u ka kërkuar nga mysafirët që të angazhohen edhe në të ardhmen në përkrahjen e SBASHK-ut me qëllim  të realizimit të objektivave në shërbim të anëtarësisë.

 
SBASHK-u dhe MASHT-i nënshkruajnë kontratën kolektive për arsimin parauniversitar

Prishtinë, 11 prill 2014 – Kryetari i Sindikatës së Bashkuar të Arsimit Shkencës dhe Kulturës (SBASHK), Rrahman Jashraj dhe ministri i Arsimit, Ramë Buja të premten kanë nënshkruar kontratën kolektive për sektorin e arsimit parauniversitarë në Kosovë. Me këtë rast, kryetari i Sindikatës së Bashkuar të Arsimit, Shkencës dhe Kulturës së Kosovës, Rrahman Jasharaj, ka thënë se është i kënaqur me arritjen e nënshkrimit të këtij dokumenti, për të cilin ka thënë se është punuar shumë.
 “Është një kontratë bazike në të cilën do të frymojnë më lirshëm dhe do të japim kontribut edhe më të madh në arsim. Këtë kontratë e konsideroj si edhe një përpjekje të ministrit Buja por edhe tonit që të respektojmë edhe ditët e mëdha të furtunave që i bëmë bashkë dhe unë uroj që edhe në këto ditë të lirisë të jemi bashkë në shërbim të arsimit shqip të Kosovës”, ka deklaruar ai.
Në anën tjetër, ministri i Arsimit, Ramë Buja, ka deklaruar që kontrata kolektive sketoriale i mbron të drejtat e mësimdhënësve dhe njëkohësisht edhe i obligon ata.
“Kemi për të thënë shumë për këtë kontratë që dhuron të themi të drejtat por kërkon edhe përgjegjësi dhe obligime prej punëtorëve të arsimit dhe besoj që kjo është në radhën dhe në vazhdon e asaj kontratës së madhe kolektive  që është nënshkruar në Qeverinë e Kosovës”, tha Buja.
Kontrata kolektive e sektorit të arsimit ishte nënshkruar më parë në vitin 2005, ndërsa kontrata e re është plotësuar edhe me disa kërkesa të reja të mësimdhënësve siç është pagesa e tri pagave pas pensionimit.