Sindikata e Bashkuar e Arsimit Shkencës dhe Kulturës
Unioni i Sindikatave të Arsimit të Evropës me kërkesa të qarta për Qeverinë e Kosovës
Unioni i Sindikatave të Arsimit të Evropës me seli në Bruksel, ka përgëzuar vazhdimisht SBASHK-un për angazhimet e shumta e të vazhdueshme në shërbim të anëtarësisë. Ky Union, që përfaqëson 11 milionë mësimdhënës nga e tërë Evropa, ka shprehur me deklarime publike dhe me shkresa drejtuar Kryeministrit Kurti dhe Qeverisë së Kosovës, mbështetjen e fuqishme për sindikatën anëtare të tyre.
Kështu ndodhi edhe me letrën e këtyre ditëve, nënshkruar nga kryetari i Unionit të Sindikatave të Arsimit të Evropës, Larry Flanagan, drejtuar Kryeministrit Kurti, ministrit Murati dhe ministres Nagavci përmes të cilës ai shpreh mbështetjen e fuqishme për SBASHK-un në emër të 11 milionë anëtarëve të këtij Unioni e duke shprehur kërkesa të qarta sindikale për Qeverinë që të ketë qasje të duhur ndaj SBASHK-ut dhe sindikatave të tjera dhe që të funksionalizojnë Këshillin Ekonomik Social dhe të nisin me dialogun e sinqertë për të gjitha kërkesat duke nënshkruar Marrëveshjen Kolektive në nivel vendi dhe Kontratat Kolektive për Arsimin e Kosovës dhe me sektorët tjerë.
Kryetari Flanagan ua kujton Kurtit, Muratit e Nagavcit se Kosova është një vend kandidat potencial për t'u anëtarësuar në Bashkimin Evropian dhe se një element kyç në këtë rrugëtim është edhe dialogu social i Qeverisë, ministrive me SBASHK-un dhe sindikatat tjera.
Kjo letër solidariteti me SBASHK-un dhe me kërkesat e këshillat e qarta nga Unioni i Sindikatave të Arsimit të Evropës, është dërguar në adresën e Kryeministrit Kurti dhe në atë të ministrit Murati e ministres Nagavci dhe urojmë që ta lexojnë me kujdes dhe të ndryshojnë qasjen ndaj dialogut dhe ndaj sindikatave.
SBASHK uron mësimdhënësit, nxënësit dhe prindërit për vitin e ri shkollor
02.09.2024
Të nderuar mësimdhënës, nxënës dhe prindër po fillojmë edhe një vit shkollor për të vazhduar betejat për dije dhe arritje të reja. Edhe në këtë vit shkollor do të përballemi me shumë sfida, por bashkërisht mund t’i tejkalojmë më lehtë.
Të nderuara anëtare, të nderuar anëtarë të SBASHK-ut, ne jemi në vazhdimësi të angazhimeve që me dialog të gjejmë zgjidhje meritore për kërkesat tuaja legjitime edhe pse nuk e kemi të lehtë sepse Qeveria vazhdon me qasjen e gabuar ndaj dialogut dhe ndaj sindikatave në tërësi. Ne do të vazhdojmë me aktivitetet dhe me komunikimin me institucionet dhe palët tjera me qëllim që të realizojmë gjithë kërkesat e anëtarësisë, por nëse dialogu nuk jep asnjë rezultat, atëherë ne do të respektojmë vullnetin tuaj edhe për veprime sindikale për të cilat vendosin përfaqësuesit tuaj që nga çerdhet e deri në universitete në Këshillin Drejtues të SBASHK-ut.
Urime viti i ri shkollor dhe na priftë e mbara bashkë e në SBASHK.
Prishtinë, 2 shtator 2024,
Zyra për informim e SBASHK
Gabim i përsëritur i MASHTI-t për tekstet shkollore
13.08.2024
SBASHK-u, por edhe të tjerët, kishin kritikuar arsyeshëm vendimin e vitit të kaluar lidhur me shpërndarjen e teksteve shkollore përmes librarive dhe subvencionimin për to në xhirollogaritë e prindërve.
Ky vendim i gabuar krijoi probleme dhe shtatori e tetori i vitit të kaluar shkollor i gjeti një numër të konsideruar të nxënësve ende pa të gjitha tekstet shkollore. SBASHK-u këtë kundërshtim e ka përsëritur edhe në takimin e kryetarit Jasharaj me zëvendësministrin Taulant Kelmendi duke e lutur që mos të veprohet njëjtë me tekstet shkollore, por që ato të dërgohen me kohë në shkolla nga botuesit.
U pa se MASHTI nuk ka dëgjuar kritikat e arsyeshme e as këshillat tona, të Këshillit të prindërve e as të palëve tjera dhe do ta përsërisë gabimin. Konsiderojmë se Këshilli i prindërve duhet ta thotë fjalën e vet lidhur me këtë veprim të gabuar e të përsëritur të MASHTI-t sepse ata janë zëri i prindërve të Kosovës, ndërsa ne do të vazhdojmë të jemi zë i anëtarësisë sonë në kërkim të dialogut dhe realizimit të kërkesave.
Zonja Nagavci duhet të merret me këto kërkesa, që në mënyrë të shkruar prapë ia kemi ripërsëritur dhe ia kemi dorëzuar zëvendësministrit Kelmendi në takimin me ftesën e tij. Për këshillat e saj se çfarë duhet të bëjë SBASHK nuk kemi nevojë se ne veprojmë bazuar në zërin dhe kërkesat e anëtarësisë. Të gjithë duhet ta arsyetojmë e respektojmë besimin e atyre që përfaqësojmë.
Prishtinë, 13 gusht 2024, Zyra për informim e SBASHK-ut.
Respekt i veçantë për SBASHK-un në Kongresin Botëror të EI-së në Buenos Aires të Argjentinës
05.08.2024Kongresi i 10 Botërore i Internacionales të Arsimit i cili u mbajt nga data 25 korrik deri më 2 gusht 2024 në Buenos Aires të Argjentinës ka përmbyllur me sukses punimet duke debatuar shtruar për problemet e shumta të arsimit në të gjitha vendet e botës e duke aprovuar një varg Rezolutash si alarm ndaj qeverive që të respektojnë demokracinë dhe të zhvillojnë dialog të sinqertë në mbrojtje të figurës së mësuesit kudo në botë. Gjatë ditëve të Kongesit përfaqësuesit e SBASHK-ut kanë ndjerë respektin e lartë që ka EI dhe shumë nga sindikatat e botës për Sindikatën e Arsimit të Kosovës. Kjo është thënë në takimet e zhvilluara me kryetarin e ri të EI-së Mugvena Maluluke, me nënkryetaren Johanna Jaara Astrad , por edhe me sekretarin e përgjithshëm të Internacionales Botërore të Arsimit, David Edvards, i cili mori besimin edhe për një mandat në këtë detyrë tepër të rëndësishme në EI. Takime patën edhe me Kryetaren e deritashme të EI Susan Hopgood dhe nënkryetaren e EI Lily Eskelsen Garcia nga NEA e SHBA-së.Nënkryetarja e SBASHK-ut Vjollca Shala dhe koordinatori për organizim të brendshëm Ymer Ymeri në takimet miqësore me këta përfaqësues të lartë të sindikatave të botës u kanë përcjellë atyre përshëndetjet dhe falënderimet e e kryetarit Jasharaj dhe gjithë anëtarësisë duke i njoftuar për gjithë agazhimet e sindikatës në shërbim të anëtarësisë, për sfidat , por edhe për arritjet e shumta. Përfaqësuesit e SBASHK-ut kanë marrë përgëzime për këto angazhime dhe u është thënë se gëzojnë përkrahje të plotë nga Internacionalja Botërore e Arsimit në rrugëtimin e vështirë , por shumë të suksesshëm si zë i fuqishëm sindikal.
Një takim të veçantë përfaqësuesit e SBASHK-ut e kanë zhvilluar edhe me kryetarin e Unionit të Sindikatave të Arsimit të Evropës Larry Flanagan, i cili ka përgëzuar SBASHK-un për gjithë angazhimet dhe ka përseritur përkrahjen e fuqishme të ETUCE për sindikatën e arsimit të Kosovës.
Takime në atmosferë vëllazërore përfaqësuesit e SBASHK-ut kanë zhvilluar edhe me përfaqësues të lartë të sindikatave të punëtorëve të arsimit të SHBA Randi Veingarten, Daniel Montgomery, Lily Eskelse e Princess R.Moss.
Nga takimet e rëndësishme të përfaqësuesve të SBASHK-ut në kuadër të Kongrest të 10 të Inernacionales Botërore të Arsimit do veçuar edhe atë me Finnern Maike – Andare e Bordit të EI nga Evropa dhe Kryetare e GEW të Gjermanisë,Trudy Kerperien – nënkryetare e ETUCE nga sindikata Aob Holandë , Marjana Kolar – Kryetare e Sindikatës së Arsimit të Sllovenisë dhe me sindikalistët e Arsimit të Izraelit. Në këto takime është bashkëbiseduar për situatën aktuale të arsimit në këto shtete dhe për forcimin e bashkëpunimit mes këtyre sindikatave.
SBASHK pjesë e Kongresit Botëror të Edukimit
30.07.2024
SBASHK i përfaqësuar nga nënkryetarja znj. Vjollca Shala dhe koordinatori për organizim të brendshëm, z. Ymer Ymeri, po qëndrojnë në Buenos Aires-Argjentinë, ku po marrin pjesë në Kongresin e 10-të Botëror të Arsimit (Education International).
Me moton “Rritja e sindikatave tona, ngritja e profesioneve tona, mbrojtja e demokracisë”, Kongresi Botëror 2024 ka mbledhur rreth 1200 delegatë nga e mbarë bota nëpërmjet 383 organizatave anëtare të cilët po përfaqësojnë më shumë se 32 milionë mësues dhe personel mbështetës të arsimit nga 178 shtete.
Gjatë qëndrimit në Buenos Aires nga 27 korriku e deri më sot, perfaqesuesit e SBASHK-ut u takun me shumë delegacione para fillimit të Kongresit dhe pritet që edhe në pesë ditët në vijim të kenë takime edhe me Kryetren e EI, me sekretarin e pergjitheshum si dhe me delegacione të Gjermanisë, Holandës, Italisë, Meksikës e shumë e shumë shteteve tjere anë e mbarë botës.
Në mes të një krize globale arsimore, mësuesit dhe personeli mbështetës arsimor qëndrojnë elastik, duke mishëruar shpresën dhe transformimin Kjo u theksua nga Zëvendës Sekretarja e Përgjithshme e Kombeve të Bashkuara (OKB) Amina J. Mohammed në fjalimin e saj kyç në Kongresin e 10-të Botëror të Arsimit Ndërkombëtar (EI). “Ky Kongres është një mundësi vendimtare për ne që të bashkohemi, të strategjizojmë dhe mbi të gjitha, të identifikojmë mënyrat për të mbrojtur mësuesit dhe për të rilindur profesionin e mësuesit ndërsa punojmë për të ofruar një të ardhme më të drejtë, më të begatë dhe të qëndrueshme për të gjithë,” tha ajo.
Si Presidente e Education International (EI), Susan Hopgood i afrohet Kongresit Botëror me një përzierje shprese dhe vendosmërie. Ajo thekson rolin kryesor të IE në formësimin e një të ardhmeje të qëndrueshme dhe adresimin e sfidave globale përmes edukimit publik. Pavarësisht nga një botë që përballet me konflikte, ndryshime klimatike, paqëndrueshmëri ekonomike dhe sulme ndaj demokracisë, Hopgood pohon se vendosmëria e EI për të nxitur përparimin dhe për të mbrojtur demokracinë nuk ka qenë kurrë më e fortë. “Si presidente e Education International, cilat janë mendimet tuaja për Kongresin Botëror? Së pari, kjo organizatë është me shpresë dhe besim. Ne e dimë se kemi një rol të rëndësishëm në ndërtimin e botës së qëndrueshme që duam dhe që bota ka nevojë. Por sytë tanë janë hapur. Ne e shohim botën ashtu siç është, luftën, ndryshimet klimatike, rënien ekonomike, sulmet ndaj demokracisë, autokracitë e shtuara dhe më shumë. Kriza e arsimit nuk po ndodh në vakum. Progresi nuk është i pashmangshëm, ai duhet të luftohet dhe të fitohet kundër kundërshtarëve me burime shumë më të mëdha se ne. Por pavarësisht sulmeve dhe pengesave të vazhdueshme, solidariteti ynë është më i madh se kurrë, dhe ne vazhdojmë të mobilizojmë temat e këtij Kongresi – për të rritur sindikatat tona, për të ngritur profesionin tonë dhe për të mbrojtur demokracinë”, tha ajo.
Më 29 qershor, David Edwards, Sekretari i Përgjithshëm Ndërkombëtar i Arsimit, doli në skenë përpara më shumë se 1200 drejtuesve të sindikatave të arsimit për të reflektuar mbi sfidat dhe arritjet e lëvizjes globale të sindikatave të arsimit në pesë vitet e fundit. Pavarësisht nga një mori krizash, nga pandemia Covid-19 te urgjenca klimatike, nga luftërat tek autoritarizmi në rritje, arsimtarët kanë qenë në gjendje të krijojnë mundësi të paprecedentë për të avancuar të drejtën për arsimim, të drejtat e punëtorëve dhe demokracinë në mbarë botën. “Zhvillimi, ky përkushtim, ky momentum në terren në mesin e organizatave tona anëtare është i pamohueshëm, sepse ju e dini se kjo është koha jonë. Ne e dimë se sistemet arsimore cilësore, falas dhe me burime të mira nuk janë të pashmangshme. Ne e dimë se mësuesit me kualifikim të lartë, personeli mbështetës arsimor dhe edukatorët e tjerë nuk janë të garantuar për çdo nxënës në çdo klasë. Duhet të luftohet dhe të mbrohet. Por unë mund t'ju raportoj këtu në dekadën tonë të katërt si federatë se ne kemi ndërtuar njohuritë, reputacionin dhe fuqinë në nivelin më të lartë për të qenë një forcë jo vetëm për arsimin, por për vlerat e të drejtave të njeriut dhe demokracisë rreth botë”, tha Edwards.
Kryetari i SBASHK-ut, Rrahman Jasharaj, u prit nga zv. ministri i Arsimit, Taulant Kelmendi
25.07.2024
Kryetari i SBASHK-ut, Rrahman Jasharaj, duke iu përgjigjur ftesës, u takua me zëvendësministrin e Arsimit, Taulant Kelmendi, me të cilin diskutoi për fillimin e vitit të ri shkollor, pakënaqësitë dhe kërkesat e mësimdhënësve karshi Qeverisë.
Kryetari i SBASHK-ut, z. Rrahman Jasharaj, kërkoi nga Kelmendi që takime të tilla mes MASHTI-t dhe Sindikatës të ketë më shpesh ngase sipas tij në këtë mënyrë mund të plotësohen kërkesat e mësimdhënësve dhe zgjidhen problemet aktuale në arsim.
Kryetari Jasharaj kërkoi që furnizimi me tekste shkollore këtë vit të bëhet nga MASHTI duke i dërguar tekstet shkollore në shkolla si dhe të ketë libra të rinj për të gjithë nxënësit e nivelit fillor dhe të mesëm të ulët, pra nga klasa 1 deri 9.
Kryetari i SBASHK-ut, z. Rahman Jasharaj kërkoi nga zv. Ministri Kelmendi që Qeveria të bëjë rritjen e koeficientit për mësimdhënës dhe të plotësohen edhe kërkesat tjera të anëtarësisë, të cilat në formë të shkruar ia dorëzoi zv/ministrit Kelmendi. Jasharaj u shpreh se kur ka dialog dhe angazhim për realizimin e kërkesave të anëtarësisë atëherë nuk ka kërkesa për veprime sindikale.
Nga ana e tij, zëvendësministri Taulant Kelmendi premtoi se do t’i shqyrtojë me kujdes kërkesat e SBASHK-ut e pastaj informoi kryetarin Jasharaj për angazhimet dhe përgatitjet që po bën MASHTI lidhur me vitin e ri shkollor.
Në këtë takim bashkë me kryetarin Jasharaj kanë qenë edhe zyrtari ligjor Blendor Shatri dhe zyrtarja për trajnime dhe informim Drita Vitia Zeneli.
Në Pejë u mbajt testi për dy grupe të mësimdhënësve
09.07.2024
Në Pejë u organizua testi për mësimdhënësit që e kanë ndjekur trajnimin “Aplikimi i programeve kompjuterike në mësimdhënie” në tri modeule: Word, Excel dhe Power Point.
Mësimdhënësit i vizitoi Kryetari i SBASHK-ut, z. Rahman Jasharaj, i cili u dëshiroi suksese dhe i përgëzoi për punën e palodhshme në arritjen sa më të lartë të performancës në mësimdhënie.
Në organizimin e testit mori pjesë edhe koordinatori për organizim të brendshëm në SBASHK, z. Ymer Ymeri, zyrtari Ligjor, z. Blendor Shatri dhe kretari i Sindikatës së nivelit komunal të Pejës, z. Isuf Lajçi.
Testi u organizua në shkollën Fillore dhe të Mesme të Ulët “Dardania” në Pejë, për dy gurpe të ndryshme të mësimdhënësve të udhëhequr nga trajneri i caktuar nga SBASHK-u, z. Burim Krasniqi.
SBASHK nënshkruan marrëveshje me Klinikën “Olive”
04.07.2024
SBASHK ka nënshkruar marrëveshje me Klinikën “Olive”, përmes së cilës u ofron të gjithë anëtarëve të SBASHK-ut dhe familjarëve të ngushtë, shërbime shëndetësore dhe laboratorike me 20 % zbritje.
Marrëveshjen e nënshkruar paraprakisht nga drejtori i kësaj Klinike, Fatmir Sejdiu, sot e nënshkroi Kryetari i SBASHK-ut, z. Rrahman Jasharaj, i cili u shpreh i lumtur për shërbimet e ofruara nga kjo Klinikë për anëtarët e SBASHK-ut, përmes kësaj marrëveshjeje.
Të gjithë anëtarët e SBASHK-pasi të dëshmojnë me kartelën e anëtarësisë se janë anëtarë të SBASHk-ut gëzojnë zbritje 20% në shërbimet laboratorike që kryhen në OLIVE MEDICAL CENTER L.L.C. (biokimi, dhe hematologji), mjekësi familjare dhe dhënie të terapisë (dhënie infuzioni, dhënie injeksioni,etj). Këto zbritje aplikohen në të gjitha pikat e Olive Clinic (Prishtinë, Mitrovicë, Gjilan, Suharekë dhe Prizren). Në dep. e radiologjisë ofrohet 20% zbritje vetëm në pikën e Olive Clinic në Mitrovicë.
Shërbimin e certifikatave shëndetësore për anëtarët e SBASHK, “Olive Clinic” do ta ofrojë me çmim 10.00 € nga 15.00 € që është çmimi real.
Kjo Klinikë ofron shërbime në disa qytete të ndryshme të Kosovës si: Prishtinë, Mitrovicë, Prizren, Gjilan dhe Suharekë.
E pranishme në këtë nënshkrim të marrëveshjes ishte edhe Menaxherja e shitjes në Klinikën “Olive”, Egzona Maliqi.
Me grupin e tretë të pushuesve në bregdetin shqiptar
Respekt meritor dhe falënderime për SBASHK-un
30.06.2024
Kanë arritur dje në Kompleksin Hotelier e Turistik "Bonita", pushuesit e grupit të tretë, të cilët edhe përmbyllin këtë aktivitet tradicional, që SBASHK organizon për qindra anëtare e anëtarë nga të gjitha komunat e Kosovës dhe universitetet.
Kryetari i SBASHK-ut, z. Rrahman Jasharaj, të dielën ka vizituar pushuesit e grupit të tretë, të cilët i kanë dëshiruar mirëseardhje duke shprehur respektin meritor dhe falënderime për SBASHK-un për gjithë angazhimet në shërbim të anëtarësisë. Ata kanë bërë shumë foto me kryetarin dhe koordinatorin për organizim të brendshëm në SBASHK, z. Ymer Ymeri, për t'i ruajtur kujtim nga ditët e kaluara në bregdetin shqiptar.
Edhe pushuesit e grupit të tretë, gjatë ditëve që po kalojnë buzë detit shqiptar po bashkëbisedojnë për arsimin dhe misionin e shenjtë për edukimin e arsimimin e brezave, por po shpalosin edhe kujtime nga vitet e dekadat e kaluara dhe po ndjehen arsyeshëm krenar për punën dhe përkushtimin në misionin e tyre për arsimimin e gjeneratave dhe për unitetin në sindikatën e tyre duke e thënë zëshëm, Bashkë e në SBASHK.
Në Gjilan takim i suksesshëm me veprimtarët sindikal
28.06.2024
Me aktivitetin në Gjilan është përmbyllur me sukses agjenda e takimeve me veprimtarët sindinal nga të gjitha komunat e Kosovës.
Ky aktivitet i SBASHK-ut është mbështetur nga Qendra Amerikane e Solidaritetit me seli në Tiranë dhe temë kyçe të debatit kishte doracakun për grevat e ligjshme.
Në hapje të takimit në Gjilan zyrtarja e lartë e Qendrës Amerikane të Solidaritetit, znj. Bruna Hylviu, ka përshëndetur veprimtarët sindikal nga Gjilani, Kamenica, Vitia, Kllokoti dhe univeristeti. Znj. Hylviu pastaj ka treguar për angazhimet e Qendrës në mbështetje të sindikatave duke veçuar bashkëpunimin e frytshëm me SBASHK-un. Ajo është shprehur se edhe në të ardhmen do të vazhdohet me bashkëpunimin duke forcuar zërin sindikal.
Kryetari i SBASHK-ut, z. Rrahman Jasharaj, ka treguar se me takimin në Gjilan po përmbyllet me sukses ky aktivitet duke prezantuar Doracakun për grevat e ligjshme, që është përgatitur nga Instituti i Kosovës për Drejtësi. Ai ka falënderuar Qendrën Amerikane të Solidaritetit për mbështetjen dhe ka kujtuar edhe bashkëpunimin me vite e dekada me Sindikatën e Mësuesve të Amerikës.
Në pjesën e dytë të takimit, zyrtarja e lartë e IKD-së, znj. Arrita Rezniqi, ka prezanruar Doracakun duke u ndalur në të gjitha çështjet e përfshira dhe duke dhënë sqarime të duhura.
Pas kësaj, znj. Rezniqi bashkë me kryetaren e SBASHK-ut, znj. Vjollca Shala, me zyrtaren e lartë të Qendrës Amerikane të Solidaritetit znj. Bruna Hylfiu dhe me kryetarin e Sindikatës së Arsimit Fillor e të Mesëm të Ulët, z. Blerim Mehmeti, kanë zhvilluar bashkëbisedë me pjesëmarrësit lidhur me Doracakun duke theksuar se do të vazhdohet me dialog, por SBASHK do të respektojë vullnetin e anëtarësisë për veprime sindikale nëse Qeveria vazhdon t'i ikë dialogut.
Takime të sukseshme e përmbajtësore të SBASHK-ut edhe në Prishtinë e Mitrovicë
27.06.2024
SBASHK-u i përkrahur nga Qendra Amerikane të Solidaritetit ka vazhduar të realizojë aktivitin e takimeve me veprimtarë sindikal nga të gjitha komunat për të prezantuar Doracakun lidhur me shpalljen e grevave të ligjshme, që është përgatitur nga Instituti i Kosovës për Drejtësi.
Ky aktivitet ka filluar në Pejë për të vazhduar në Gjakovë, Prizren, Ferizaj, Prishtinë, Mitrovicë për ta përmbyllur këtë agjendë me takimin e së premtes së 28 qershorit në Gjilan.
Në takimin me veprimtarët sindikal nga Prishtina, Podujeva, Drenasi, Fushë Kosova, Obiliqi e universiteti që u mbajt në Prishtinë zyrtarja e lartë e Qendrës Amerikane të Solidaritetit, znj. Bruna Hylviu, ka treguar fillimisht për angazhimet e kësaj qendre duke vlerësuar lart bashkëpunimin me SBASHK e duke kujtuar shembuj konkret të aktiviteteve të përbashkëta me qëllim të forcimit të vazhdueshëm të zërit sindikal.
Kryetari i SBASHK-ut z. Rrahman Jasharaj, duke përshëndetur pjesëmarrësit ka falënderuar pjesëmarrësit duke shprehur respekt meritor për Qendrën Amerikane të Solidaritetit e duke përgëzuar Institutin e Kosovës për Drejtësi për gjithë angazhimet dhe për përgatitjen dhe publikimin e Doracakut lidhur me shpalljen e grevës së ligjshme.
Në pjesën e dytë të takimit përfaqësuesit e Institutit të Kosovës për Drejtësi, z. Naim Jakaj e znj. Arrita Rezniqi, kanë prezantuar doracakum e pastaj bashkë me nënkryetaren e SBASHK-ut znj. Vjollca Shala, kanë bashkëbiseduar me pjesëmarrësit, të cilët kanë lavdëruar këtë aktivitet dhe kanë shtruar edhe pyetje duke marrë përgjigje të argumentuara.
Takim i suksesshëm e përmbajtjesor u zhvillua edhe me veprimtarët sindikal të Mitrovicës, Skënderajt, Vushtrrisë, Leposaviqit, Zveçanit dhe universitetit. Në hapje të takimit zyrtarja e lartë e Qendrës Amerikane të Solidaritetit, znj. Bruna Hylviu, ka treguar për aktivitetet e kësaj Qendre për të shprehur respekt për angazhimet e SBASHK-ut në shërbim të anëtarësisë e duke premtuar mbështetje edhe në të ardhmen për ta forcuar zërin sindikal.
Kryetari Jasharaj edhe në Mitrovicë ka falenderuar Qendrën Amerikane të Solidaritetit për mbështetjen e vazhdueshme në angazhimet sindikale dhe Institutin e Kosovës për Drejtësi për bashkëpunim duke e përgëzuar për angazhimet në mbrojtje të drejtësisë dhe të drejtave të individëve dhe organizata, që u janë cenuar të drejtat dhe liritë njerëzore dhe për përgatitjen dhe publikimin e Doracakut për shpalljen e grevave të ligjshme.
Në pjesën e dytë të takimit, përfaqësuesit e IKD-së, z. Naim Jakaj e z. Gëzim Shala, kanë prezantuar doracakun e pastaj bashkë me nënkryetaren, znj. Vjollca Shala kanë zhvilluar bashkëbisedë me pjesëmarrësit lidhur me Doracakun duke u përgjigjur edhe në pyetjet e pjesëmarrësve për veprimet sindikale dhe për çështje të tjera sindikale.
Ma artikuj...
- Vazhdojnë takimet e SBASHK-ut me veprimtarë sindikal nëpër komuna
- SBASHK vazhdon takimet me veprimtarë sindikal duke biseduar për grevat
- SBASHK ka nisur takimet me veprimtarë sindikal duke biseduar për grevat
- 203 mësimdhënës po pushojnë në Durrës nën organizimin e SBASHK-ut
- Vazhduan trajnimet për mësimdhënës nëpër komuna të ndryshme të Kosovës
- Grupi i dytë i pushuesve të SBASHK-ut arriri në bregdetin shqiptar
- U mbajt testi për programin e trajnimit “Aplikimi i programeve kompjuterike në mësimdhënie” në tri module
- Grupi i parë i pushuesve-anëtarë të SBASHK-ut, po qëndorjnë në bregdetin shqiptar
- Këtë vit SBASHK dërgon 440 anëtarë në bregdetin shqiptar
- Në Mitrovicë përfundoi trajnimi “Aplikimi i programeve kompjuterike në mësimdhënie” dhe u mbajt testi në tri module
- Filloi trajnimi “Aplikimi i programeve kompjuterike në mësimdhënie” për anëtarët nga Peja
- Respekt për mësuesit dhe gjithë ata që u angazhuan për lirinë e Kosovës
- Përfaqësues nga SBASHK morën pjesë në përmbylljen e fazës së parë të projektit “Aftësim për trgeun e punës”
- Kryesia e Sindikatës së Bashkuar të Arsimit, Shkencës dhe Kulturës (SBASHK), vizitoi shkollën Fillore të Mesme të Ulët ''Iliria'' në Prishtinë
- SBASHK mbajti takimin e radhës me Kryetarët e Niveleve Komunale të Sindikatës
- Aktivitete të SBASHK-ut në disa komuna të Kosovës
- Aktivitetet e SBASHK-ut në shërbim të anëtarësisë vazhdojnë
- Aktivitete të SBASHK-ut në Rahovec e Mitrovicë
- Konferenca Regjionale në Malin e zi për kontratën kolektive
- Aktivitete të SBASHK-ut në Rahovec dhe Drenas
- Studentët e Departamentit të Gazetarisë shfaqën vizionin e projektit “Media2040”
- Qendra e Solidaritetit të Amerikës shkruan: MËSUESIT E KOSOVËS UDHËHEQIN NXITJEN KOMBËTARE PËR SHËNDET MË TË MIRË MENDOR NË SHKOLLA
- Në Ferizaj u mbajt Kuvendi i Sindikatës së Arsimit Parauniversitar
- U mbajt Kuvendi i Sindikatës së Arsimit Parauniversitar në Ferizaj
- SBASHK vizitë në Qendrën Burimore “Përparimi “ në Prishtinë
- SBASHK me aktivitete të shumta për ditën e mësuesit dhe shkollës shqipe
- U mbajt takimi me kryetarët e nivelit komunal sindikal dhe të Universiteteve
- Konferenca “Kujdesi për shëndetin mendor në shkollat e Kosovës”
- SBASHK memorandum bashkëpunimi me Poliklinikën dhe laboratorin Bio analiza
- Kërkesat e SBASHK-ut sa i përket Ligjit për skemat pensionale të financuara nga shteti janë këto:
- SBASHK alarmon përfaqësuesit e Grupeve Parlamentare
- Vazhdohet me përgatitjet për Konferencën e 20 e 21 shkurtit
- Kryetari i Komisionit Parlamentar për Arsim u takua me përfaqësues të SBASHK-ut
- Dy aktivitete të veçanta të SBASHK-ut në këtë javë
- SBASHK nënshkroi memorandum bashkëpunimi me “Optika Moda”
- Takim me kryetarët e sindikatës së nivelit komunal dhe të universiteteve
- Vazhdojnë përgatitjet për Konferencën Kombëtare të 20 e 21 shkurtit
- Një aktivitet i vlerësuar lart i SBASHK-ut dhe Qendrës Amerikane të Solidaritetit
- Përfaqësuesit e SBASHK në selinë e sindikatave në Bruksel
- Me veteranët e SBASHK-ut në një aktivitet të veçantë
- SBASHK nënshkroi marrëveshje me Ordinancën Fizioterapeutike “Synergy Clinic”
- Në Rahovec filloi trajnimi sipas kërkesave të anëtarësisë
- Kryetari i Komisionit Parlamentar për Arsim Ardian Gola u takua me përfaqësues të SBASHK-ut
- SBASHK-u sot vizitoi Asociacionin e Komunave të Kosovës
- Qendra Amerikane e Solidaritetit dhe SBASHK në aktivitet të veçantë në Gjilan
- Kryetari i SBASHK-ut vizitoi minatorët grevistë
- Përfaqësues të Sindikatave të Arsimit nga e tërë bota u takuan në Meksikë
- Kryetari i SBASHK-ut u takua me Kryesuesin e Këshillit Gjyqësor të Kosovës
- Kuvend zgjedhor i Sindikatës së Arsimit Parauniversitar në komunën e Vushtrrisë
- Qendra Amerikane e Solidaritetit dhe SBASHK me aktivitete në Pejë e Gjakovë
Kontrata kolektive
Marrëveshjet
Formulari për kartela sindikale
Gazeta Vjetore 2024
Gazeta - SBASHK
Na ndiqni në
apo në grup