Sindikata e Bashkuar e Arsimit Shkencës dhe Kulturës

Kryetari i SBASHK-ut, Rrahman Jasharaj dhe anëtari i kryesisë së SBASHK-ut dhe kryetar i SUSHK-ut, Bardh Bardhi janë pritur në ambientet e Rektoratit të Up-së nga rektori Prof. Dr. Marjan Dema. Rektori Dema është shprehur i lumtur që po takon përfaqësuesit e SBASHK-ut dhe atyre u ka folur për vizionin e tij lidhur me zhvillimin dhe progresin e Universitetit të Prishtinës.
Kryetari i SBASHK-ut Rrahman Jasharaj dhe anëtari i kryesisë së SBASHK-ut dhe kryetar i SUSHK-ut, Bardh Bardhi kanë prezantuar edhe një herë në bisedë me Rektorin kërkesat e sindikalistëve të UP-së. Ata kanë kujtuar Rektorin Dema se ka kohë që kishin marrë premtime nga institucionet përgjegjëse të UP-së se do të nënshkruhet Kontrata Kolektive dhe se do të bëhet unifikimi i pagës bazë dhe pjesës stimulative për të punësuarit të administratën e UP-së. Po ashtu ata kanë kujtuar edhe faktin se , edhe përkundër premtimit, ende nuk është dhënë pjesa prej
0.5 % për çdo vit shërbimi në pjesën stimulative. Jasharaj e Bardhi kanë përcjellë mendimin e bazës se nëse institucionet e UP-së nuk bëjnë angazhim të shtuar për të realizuar këto kërkesa atëherë punëtorët e administratës do ta riaktivizojnë grevën, e cila qe pezulluar pas takimeve të shumta dhe premtimit se këto kërkesa do të realizoheshin.