Kontrata Kolektive nisi rrugëtimin drejt shkollave
Prishtinë,20.05.2014-Kryetari i Kuvendit të SAF e SAM të Komunës së Podujevës, z. Isuf Gashi kishte ftuar Kryesinë e këtij Kuvendi për
një takim solemn me delegacionin e SBASHK-ut. Arsyeja ishte se Kontrata Kolektive po niste rrugëtimin drejt shkollave të Kosovës. Në një bashkëbisedë të sinqertë e duke u ndierë të barabartë sindikalistët kanë shtruar shumë çështje dhe kanë marrë përgjigje nga kryetari i SBASHK-ut Rrahman Jasharaj, nga nënkryetari Rexhep Sadiku dhe menaxheri financiar Ymer Ymeri.
Kryetari i SAF e SAM të Podujevës duke hapur këtë takim ka thënë se bashkërisht mund të shënohen arritje dhe ka kërkuar angazhim të vazhdueshëm të Kryesisë së SBASHK-ut për vënien në jetë të kërkesave të anëtarësisë.
Përfaqësuesit e SBASHK-ut kanë folur për arritjet e përbashkëta dhe janë shprehur të gatshëm të vazhdojnë me angazhimet për të qenë zë i mësimdhënësve sindikalistë të krejt Kosovës. Ata janë përgjigjur në pyetjet e pjesëmarrësve të takimit dhe kanë pranuar edhe këshilla e detyra konkrete. Të gjithë janë pajtuar se bashkë e në SBASHK do të arrijnë suksese edhe më të mëdha në realizimin e gjithë kërkesave të anëtarësisë.
Pas kësaj janë ndarë ekzemplarët e parë të Kontratës Kolektive , e cila kështu ka nisur rrugëtimin drejt shkollave të Kosovës.