Takim vëllazëror i përfaqësuesve të SPASH-it me Këshillin Drejtues të SBASHK-ut
Durrës,24.05.2014-Për t’i përgëzuar për angazhimet dhe arritjet e për të zhvilluar një bashkëbisedë vëllazërore, kreu i SPASH-it, z. Nevruz Kaptelli me bashkëpunëtorët e tij Shaban Duka e Isa Halili janë gjetur mes anëtarëve të Këshillit Drejtues të SBASHK-ut, të cilët për katër ditë kanë zhvilluar një Seminar të suksesshëm me temën bazë “Forcimi i rolit të SBASHK-ut në rrjedhat e përgjithshme të arsimit”.
Kryetari Kaptelli ka përgëzuar SBASHK-un për arritjet dhe angazhimet duke marrë si shembull edhe përkushtimin në këtë Seminar. Ai pastaj ka uruar edhe nisjen e procesit të punimit të kartelave për sindikalistët e arsimit nga Kosova. Kaptelli dhe bashkëpunëtorët e tij në takimin e kryetarin dhe kryesinë e SBASHK-ut kanë shprehur interesimin e madh të Sindikatave të Arsimit Shqiptar që edhe ata të gjejnë mënyrën e dëshiruar që të jenë pjesë e përkrahjes së BE-së për të nisur me procedurën përgatitore për punimin e kartelave të tilla për mësimdhënësit e Shqipërisë.
Kryetari i SBASHK-ut , z.Rrahman Jasharaj bashkë me anëtarët e Kryesisë dhe me anëtarët e Këshillit Drejtues kanë siguruar kryetarin z.Kaptelli se do të angazhohen që donatori i këtij projekti të përkrah kërkesën e sindikalistëve shqiptarë të arsimit dhe të krijohen mundësi që edhe ata të kenë kartelet e tyre, të cilat do t’u mundësojnë të identifikohen, edhe që të hapin mundësi të komunikimit me firmat e mëdha për zbritje çmimesh të artikujve për poseduesit e këtyre kartelave. Të dy palët janë shprehur të gatshëm për vazhdimin e bashkëpunimit vëllazëror në të gjitha sferat sindikale e në shërbim të arsimit.