Sindikata e Bashkuar e Arsimit Shkencës dhe Kulturës

Të martën, më 28 tetor 2025, në Shtime u mbajt Kuvendi Zgjedhor i Nivelit Sindikal Komunal të Arsimit Parauniversitar (NSKAP), ku u zgjodhën kryetari, nënkryetarja, kryesia e re e NSKAP-it të Shtimes, delegatët për Kongresin e SBASHK-ut, si dhe anëtarët për Këshillin Drejtues të SBASHK-ut.

Gjatë procesit zgjedhor në Shtime ishin të pranishëm edhe përfaqësues të lartë të SBASHK-ut: Kryetari Rrahman Jasharaj, nënkryetarja Vjollca Shala, Sekretari i Përgjithshëm Ymer Ymeri, kryetarja e Nivelit Sindikal të Arsimit të Mesëm të Kosovë, Hanife Salihu dhe kryetari i Komisionit Statutar, Blendor Shatri.

Ky kuvend u organizua në kuadër të zgjedhjeve të rregullta, të cilat gjatë vitit 2025 u mbajten në të gjitha shoqatat sindikale dhe dhe tani po mbahen në të gjitha nivelet komunale, universitare dhe të kulturës që veprojnë në kuadër të SBASHK-ut.

Procesi zgjedhor në Shtime u zhvillua në mënyrë të rregullt, demokratike dhe pa asnjë pengesë.

Kryetar i NSKAP-it të Shtimes u zgjodh Bekim Krasniqi, ndërsa nënkryetare, Pranvera Sylaj.

Kuvendi i NSKAP-it të Shtimes i propozoi Kongresit të SBASHK-ut kandidaturën e z. Blendor Shatri për Kryetar të SBASHK-ut, ndërsa propozoi që z. Ymer Ymeri t’i vazhdohet edhe një mandat si Sekretar i Përgjithshëm i SBASHK-ut.