Sindikata e Bashkuar e Arsimit Shkencës dhe Kulturës

17.11.2024

SBASHK ka organizuar trajnime pë 14 grupe të mësimdhënësve në programin ''Aplikimi i programeve kompjuterike në mësimdhënie'' dhe ''Forcimi i kapaciteteve për udhëheqjen efektive të dialogut social'' në disa komuna të Kosovës.

Mësimdhënësit e Pejës të cilët po vazhdojnë me dy grupe të trajnimit në programin ''Aplikimi i programeve kompjuterike në mësimdhënie'', nën udhëheqjen e trajnerit Burim Krasniqi, të shtunën i vizitoi kryetari i SBASHK-ut, Rrahman Jasharaj, i cili i njoftoi të pranishmit lidhur me aktivitetet sindikale dhe vendimet që dolën nga mbledhja e Këshillit Drejtues të SBASHK-ut.

Ndërkohë të shtunën u mbajtën testet për mësimdhënës në programin ''Aplikimi i programeve kompjuterike në mësimdhënie'' në Lipjan nën udhëheqjen e Sekretarit të Përgjithshëm në SBASHK, Ymer Ymeri. Po ashtu në Lipjan filluan trajnimet me grupet e reja ne po të njëjtin program nga trajnerët e përzgjedhur nga SBASHK, Blerona Ahmeti e Idriz Sopa.

Në Mitrovicë të shtunën filloi grupi i ri i trajnimit në programin ''Aplikimi i programeve kompjuterike në mësimdhënie'' me trajner, Kadri Hyseni kurse një grup filloi me modulin e dytë të këtij programi, me trajner Fevzi Selmani. Të dielën në Mitrovicë u mbajt edhe testi per grupin që e ka perfunduar këtë trajnim kurse në Vushtrri po ashtu filloi një grup i ri i trajnimit me trajner Nexhmedin Gruda.

Kurse, në programin ''Aplikimi i programeve kompjuterike në mësimdhënie'', trajnimin e filluan 3 grupe në Prizren, nga trajnerët: Albert Samadraxha, Emin Hoxha dhe Arben Zymberi, që po mbahen në shkollën ''Ymer Prizreni''. këto trajnime të dielën i vizitoi nënkryetarja e SBASHK-ut, Vjollca Shala, ndërsa nën udhëheqjen e nënkryetares Shala, po këtë ditë u mbajt edhe testi për dy grupe të mësimdhënësve të cilët e përfunduan trajnimin.

Gjatë vikendit, me trajnime në programin "Aplikimi i programeve kompjuterike në mësimdhënie" e filluan edhe 2 grupe në shkollën ''Tefik Çanga'' në Ferizaj, me trajnerë, Musli Neziri dhe Naser Guri dhe një grup në shkollën ''Isa Boletini'', në Rahovec. Kurse në programin ''Forcimi i kapaciteteve për udhëheqjen efektive të dialogut social'', trajnimin e filluan 2 grupe të mësimdhënësve në Prizren me trajnerë Skender Gashi dhe Kastriot Veselaj si dhe 2 grupe në Ferizaj me trajnerë Safet Beqiri dhe Emrush Ahmeti.