Sindikata e Bashkuar e Arsimit Shkencës dhe Kulturës

Disa trajnime përfunduan me sukses, disa të tjera afër përmbylljes

Prishtinë,21.03.2023
Falë angazhimit të koordinatorit për organizim të brendshëm Ymer Ymeri dhe stafit qendror në bashkëpunim me kryetarët e nivelit komunal sindikal të disa komunave të Kosovës është respektuar vullneti i një numri të konsideruar të mësimdhënësve për realizimin e trajnimeve të licencuara të SBASHK-ut nga KSHLM-ja.
Kështu në Suharekë falë përkushtimit të pjesëmarrësve dhe angazhimit të trajnerëve kanë përfunduar me sukses trajnimet "Roli i aktiviteteve kreative në mësimdhënie dhe zbatimi i tyre në shkollat fillore" me trajnerin Ahiret Mehmeti dhe "Edukimi dhe menaxhimi mjedisor në Arsimin Parauniversitar" me trajnerin Agim Hasani dhe trajneren Nora Ajeti.
Në komunën e Prizrenit me sukses përfundoi trajnimi "Roli i aktiviteteve kreative në mësimdhënie dhe zbatimi i tyre në shkollat fillore" me tranjneren Esengul Dinovci. Pjesëmarrës të këtij trajnimi ishin koleget e kolegët tanë nga komuniteti boshnjak. Në këtë komunë vazhdojnë të mbahen trajnimet "Udhëheqja dhe planifikimi strategjik në Arsimin Parauniversitar" me trajnerin Hysen Sogojeva, "Roli i mësimdhënësve për mbrojtjen e fëmijëve nga format e rrezikshme të punës " me trajneren Drita Kamberi dhe trajnimi "Aplikimi i programeve kompjuterike në mësimdhënie" me trajnerët Albert Samadraxha dhe Nexhmedin Gruda.
Trajnimi "Aplikimi i programeve kompjuterike në mësimdhënie"është afër përmbylljes edhe në Drenas, Viti e Kamenicë udhëhequr nga trajnerët Fejzullah Berisha, Musli Neziri, Adhurim Maka dhe Fadil Gashi.
Për rrjedhën e mbarë të këtij aktiviteti janë përkujdesur edhe kryetarët e nivelit komunal sindikal, të cilët kanë bashkëbiseduar me pjesëmarrësit duke u përgjigjur edhe në pyetjet e tyre. Ata bashkë me pjesëmarrësit e këtij aktiviteti kanë shprehur respekt meritor për angazhimet e shumta në stafit qendror në shërbim të anëtarësisë.