Kontribut me vlerë në ngritjen e vazhdueshme të cilësisë
Prishtinë,06.03.2023
Stafi qendror i SBASHK-ut në koordinim me kryetarët e disa komunave të Kosovës kanë organizuar trajnime bazuar në vullnetin e shprehur të kolegeve e kolegëve tanë në pesë komuna të Kosovës.
Kështu në Prizren më 4 mars ka filluar trajnimi "Udhëheqja dhe planifikimi strategjik në Arsimin Parauniversitar" me trajnerin prof. dr. Hysen Sogojeva, trajnimi "Roli i aktiviteteve kreative në mësimdhënie dhe zbatimi i tyre në shkollat fillore" me trajneren Pranvera Haziri dhe po i njëjti trajnim me koleget e kolegët nga komuniteti boshnjak me trajneren Esengyl Dinovci. Në Prizren kolege e kolegë të ndarë në katër grupe kanë vazhduar me trajnimin e nisur vikendin e kaluar "Aplikimi i programeve kompjuterike në mësimdhënie" me trajnerët Albert Samadraxha, Arben Zymeri, Nexhmedin Gruda dhe Xhelal Krasniqi.
Ky aktivitet ka nisur edhe në Kamenicë me trajnimin "Aplikimi i programeve kompjuterike në mësimdhënie". Koleget dhe kolegët nga kjo komunë të ndarë në dy grupe do ta përcjellin këtë trajnim nën udhëheqjen e trajnerëve Adhurim Maka dhe Fadil Gashi.
Në Podujevë ka filluar trajnimi "Forcimi i kapaciteteve për udhëheqjen efektive të dialogut social" me trajneren Nora Haliti dhe trajnimi "Udhëheqja dhe planifikimi strategjik në Arsimin Parauniversitar" me trajnerin Fahri Hoxha. Edhe në Skenderaj vazhdon të organizohet ky aktivitet. Në këtë fundjavë ka nisur trajnimi "Udhëheqja dhe planifikimi strategjik në Arsimin Parauniversitar" me dr. Safet Beqiri.
Në Suharekë koleget e kolegët pasi kanë përcjellë pjesën e parë të trajnimit "Aplikimi i programeve kompjuterike në mësimdhënie" me trajnerët Bahrije Elshani e Emin Hoxha kanë treguar njohurit e arritura përmes testit që e kanë monitoruar Ymer Ymeri e Blendor Shatri nga stafi qendror i SBASHK-ut. Në këtë komunë me sukses përfundoi trajnimi "Roli i aktiviteteve kreative në mësimdhënie dhe zbatimi i tyre në shkollat fillore" me trajnerin Ahiret Mehmeti.