Prishtinë, 06.06.2016
SBASHK-u publikon listën definitive të pushuesve nga të gjitha komunat e Kosovës
Duke vazhduar me traditën e mirë SBASHK-u ka nisur me kohë përgatitjet për dërgimin e anëtarëve të vet për pushime në bregdetin shqiptar. Për të shkuar gjërat në mënyrë të koordinuar Këshilli Drejtues dhe Kryesia kanë autorizuar z. Ymer Ymeri që të jetë kryetar i Komisionit për përgatitjen dhe i atij për mirëvajtjen e pushimeve. Kryetarët e niveleve komunale dhe ai i SUSHK-ut, pas konsultimeve që kanë bërë me kryesitë e tyre dhe me kryetarët e shoqatave të shkollave që e kanë radhën për të emëruar pushues për në bregdetin shqiptar, kanë dërguar listat të atyre që do të jenë për pushimet e këtij viti e që fillojnë më 20 qershor.
Këshilli Drejtues , Kryesia dhe kryetari i SBASHK-ut kanë analizuar listat janë pajtuar dhe kanë sjellë vendim që :
1. Lista që po publikohet është definitive dhe nuk mund të ndryshojë,
2. Nëse ndonjë individ i emëruar nga cila do shkollë nuk mund të shkojë në pushime ai nuk mund të zëvendësohet me një tjetër,
3. Anëtarët e Këshillit Drejtues dhe të Kryesisë së SBASHK-ut nuk mund të jenë pjesë e listës së pushuesve, pra ata nuk do të shkojnë në këto pushime,
4. Kryetari i Komisionit është duke përzgjedhur anëtarët e komisionit nga të 7 regjionet ,
5. Anëtarët e Komisionit do të zhvillojnë takim përgatitor dhe do të marrin detyrat konkrete në mënyrë që pushimi të shkojë mbarë ,
6. Për orën e saktë të nisjes për secilën komunë kryetarët e niveleve komunale dhe ai i SUSHK-ut do të njoftohen me kohë.
7. Mësimdhënës të nderuar, anëtarë të SBASHK-ut , pasi ta keni lexuar me kujdes këtë shkrim dhe të shikoni listën e pushuesve jeni të lirë të dërgoni ndonjë vërejtje eventuale të argumentuar për ndonjë lëshim që ka mundur të ndodh në shkollën apo komunë tuaj lidhur me përcaktimin e pushuesve. Na shkruani në adresat tona elektronike: Kjo adresë emaili po mbrohet nga spambotet. Të duhet aktivizimi i JavaScript për me e pa.
Listën definitive të pushuesve e keni në vazhdim të këtij shkrimi.
|
Udheheqesit qendror | Rrahman Jasharaj | SBASHK | |
Ymer Ymeri | SBASHK | ||
Kadri Thaqi | SBASHK | ||
Nezafete Jakupi | SBASHK | ||
Blendor Shatri | SBASHK |
Ju përshëndesim,
Kryetari i SBASHK-ut,
Rrahman Jasharaj
Takim i frytshëm me kryetarin e Grupit parlamentar të PDK-së, z. Grabovci
Prishtinë, 27.05.2016
Në përpjekje për të realizuar me dialog kërkesat e anëtarësisë kryetari I SBASHK-ut, Rrahman Jasharaj, i shoqëruar nga përgjegjësi për financa dhe administratë , Ymer Ymeri kanë nisur realizimin e agjendës së takimeve me kryetarët e grupeve parlamentare të subjekteve politike që janë në përbërje të Parlamentit të Kosovës. Ata sot janë takuar me kryetarin e Grupit Parlamentar të PDK-së, z. Adem Grabovci me të cilin kanë biseduar për kërkesat e SBASHK-ut Lidhur me Projektligjin për Statusin e Punëtorëve të Arsimit Shqip në Republikën e Kosovës nga viti 1990/91 deri ne vitin shkollor 1998/99. Po ashtu ky delegacion I SBASHK-ut ka kërkuar përkrahje e z. Grabovcit dhe Grupit parlamentar të PDK-së që angazhohen që me rastin e plotësim-ndryshimit të Ligjit të Punës , neni 25 I këtij propozim-ndryshimi e që ka të bëj me nenin 67 të Ligjit aktual të Punës të mundësojë, që jo vetëm mësuesit e nivelit të parë ( nga klasa e parë e deri në klasën e pestë) , port ë gjithë të punësuarit n ë Arsimin Parauniversitar , që kanë nisur vitin shkollor, të mos largohen nga vendi i punës për arsye të ardhjes së datës së pensionimit, por ta vazhdojnë atë deri në përfundim të vitit arsimor. Delegacioni I SBASHK-ut ka sqaruar se në këtë mënyrë nuk do të krijoheshin zbrazëti në procesin mësimor dhe se dy pagat për muaj e verës mësuesi që po pensionohet do t'i merrte dhe kështu do të plotësohej deri diku edhe kërkesa për tri pagat me rastin e pensionimit. Kryetari i Grupit parlamentar të PDK-së, z. Adem Grabovci i ka thënë përfaqësuesve të SBASHK-ut se këto kërkesa dhe gjithë të tjerat që janë në harmoni me interesin e arsimit dhe në harmoni me mundësitë që ka shteti do ta kenë përkrahjen e plotë të tij dhe Grupit Parlamentar të PDK-së.
SBASHK-u do të vazhdojë me këtë agjendë takimesh për t'u takuar me kryetarin e Grupit Parlamentar të LDK-së, z. Ismet Beqiri, të cilit i janë drejtuar me kërkesën për një takim për tema të njëjta . SBASHK-u do të takohet edhe me përfaqësues të tjerë të institucioneve e subjekteve politike për të kërkuar mbështetjen e tyre në Parlament lidhur me kërkesat aktuale të anëtarësisë.
Takime të suksesshme me anëtarësinë në Obiliq e Podujevë
Prishtinë, 12.05.2016
SBASHK-u është duke vazhduar me realizimin e agjendës së vizitave nëpër komunat e Kosovës. Ky aktivitet është duke u zhvilluar në bashkëpunim me GIZ-in, i cili ka mbështetur shtypjen e posterëve dhe fletëpalosjeve për temën kyçe të këtyre takimeve "Roli i mësimdhënësit në procesin e hartimit dhe zbatimit të Planit Zhvillimor të Shkollës".
Në vazhdimësi të këtij aktiviteti janë zhvilluar takime të suksesshme me anëtarësinë e SBASHK-ut edhe në Kastriot ( Obiliq) dhe në Besianë ( Podujevë).
Gjatë vizitës në Obiliq kryetari i SBASHK-ut Rrahman Jasharaj dhe menaxheri për financa e këshilltar për organizim të brendshëm, Ymer Ymeri janë pritur fillimisht nga drejtori i Shkollës Teknike, z. Sahit Zeqiri, i cili ka përgëzuar delegacionin e SBASHK-ut për angazhimet dhe arritjet. Pas kësaj është zhvilluar takimi me mësimdhënësit sindikalistë të kësaj komune . Lidhur me temën kyçe "Roli i mësimdhënësit në procesin e hartimit dhe zbatimit të Planit Zhvillimor të Shkollës", kanë dhënë shumë detaje kryetari i SBASHK-ut , Rrahman jasharaj dhe menaxheri për financa Ymer Ymeri duke theksuar se ky aktivitet po zhvillohet në bashkëpunim me GIZ dhe ka për qëllim që të nxis mësimdhënësit që të jenë sa më aktivë në procesin e hartimit, por edhe të zbatimit të Planit Zhvillimor të Shkollës .
Pjesëmarrësit janë deklaruar se ky aktivitet është i qëlluar dhe se ata do të jenë aktivë në aktivitetin e hartimit të planeve zhvillimore në shkollat e tyre.
Kryetari i Kuvendit të SAF e SAM të kësaj komune, Kadri Thaçi në vazhdim të takimit ka bërë një shpalosje të aktiviteteve e pastaj është kaluar në një bashkëbisedë dhe janë shtruar çështje të rëndësishme. Pjesëmarrësit kanë marrë përgjigje në pyetjet e shtruara nga kryetari z.Jasharaj dhe menaxheri për financa, z.Ymeri.
Edhe takimi në Podujevë kishte të njëjtën agjendë të punës. Kryetari i Kuvendit të SAF e SAM të kësaj komune, Fadil Halimi ka bërë një analizë të angazhimeve dhe sfidave dhe ishte përfundim i të gjithëve se në këtë komunë ka ende punë për të bërë në sferën sindikale. Kryetari i SBASHK-ut, Rrahman Jasharaj dhe kryetari i Kuvendit të SAF e SAM të Prishtinës, z. Ahmet Pllana kanë dhënë detaje lidhur me temën kyçe "Roli i mësimdhënësit në procesin e hartimit dhe zbatimit të Planit Zhvillimor të Shkollës", Pjesëmarrësit e kanë përkrahur këtë angazhim dhe janë zotuar se do të japin kontributin e tyre në realizimin e këtij aktiviteti nëpër shkollat e tyre. Në pjesën e dytë të takimit është bashkëbiseduar për aktualitetin dhe për angazhimit në vazhdimësi të SBASHK-ut.
Përkrahje e fuqishme për SBASHK-un nga anëtarësia në Pejë
Prishtinë, 10.05.2016
Duke vazhduar me realizimin e agjendës së vizitave nëpër komunat e Kosovës , kryetari i SBASHK-ut, Rrahman Jasharaj bashkë me nënkryetarin Lutfi Mani dhe menaxherin për financa dhe këshilltar për organizim të brendshëm, Ymer Ymeri janë takuar në shkollën "Xhemajl Kada" të Pejës me kryetarë shoqatash me anëtarë të shumtë të SBASHK-ut nga kjo komunë. Drejtori i shkollës , Nimon Alija ka pritur fillimisht delegacionin SBASHK-ut dhe i ka përgëzuar për angazhimet. Kryetari i shoqatës sindikale , Avdulla Bujupi dhe stafi në këtë shkollë oshte përkujdesur që organizimi i takimit të jetë sa më i mirë.
Në hapje të takimit kryetari i Kuvendit të SAF e SAM të Pejës , Isuf Lajçi ka bërë një analizë të aktiviteteve të shumta që janë zhvilluar në këtë komunë.
Kryetari i SBASHK-ut, Rrahman Jasharaj është shprehur i kënaqur me unitetin në SBASHK dhe ka treguar pastaj se ky aktivitet i vizitave nëpër komuna ka qëllim parësor bashkëbisedat me anëtarësinë me qëllim që bashkërisht të caktohen detyrat konkrete për të ardhmen. Ai ka treguar se në bashkëpunim me GIZ-in janë duke bërë angazhime që mësimdhënësi të jetë aktiv në përpilimin e Planit Zhvillimor të Shkollës. Jasharaj ka folur pastaj për rëndësinë e një angazhimi të tillë duke theksuar se edhe në fletëpalosjet dhe në posterët që kanë sjellë në Pejë tregohet për mundësitë e kontributit të mësimdhënësve në hartimin e këtij dokumenti të rëndësishëm të zhvillimit të shkollës.
Menaxheri për financa , Ymer Ymeri ka folur patoj për detajet e këtij angazhimit të përbashkët me GIZ-in dhe ka apeluar të pjesëmarrësit që përmes bashkëbisedës të diskutohet hapur për këtë objektiv, por edhe për sfidat dhe arritjet. Edhe nënkryetari Mani ka kontribuar për realizimin në përpikëri të qëllimit të këtij aktiviteti.
Në pjesën e dytë të takimit pjesëmarrësit kanë shtruar pyetje të shumta dhe kanë marrë përgjigje për të gjitha çështjet e shtruara. Ata janë interesuar edhe për Projektligjin lidhur me statutin e mësimdhënësve të Republikës së Kosovës për vitet shkollore 1989/99.
Pjesëmarrësit kanë lavdëruar kryetarin e SBASHK-ut dhe stafin në përgjithësi për gatishmërinë që vazhdimisht të jenë pranë anëtarësisë duke diskutuar shtruar për gjithë çështjet dhe duke marrë vendime bashkërisht.
Takim i frytshëm me mësimdhënësit e Deçanit
Prishtinë,10.05.2016
Duke realizuar agjendën e takimeve me mësimdhënës sindikalistë nëpër komunat e Kosovës, kryetari i SBASHK-ut Rrahman Jasharaj është takuar në sallën e asamblesë komunale të Deçanit me kryetarë shoqatash dhe mësimdhënës nga të 28 institucionet arsimore në këtë komunë.
Kryetari i Kuvendit të SAF dhe SAM të Decanit z.Avdullah Lataj ka dhënë një raport të angazhimeve sindikale në këtë komunë. Ai bashkërisht me pjesëmarrësit janë marr vesh edhe se cilat janë 10 shkollat që do të dërgojnë pushues në Durrës.
Pas kësaj, kryetari i SBASHK-ut ka thënë se SBASHK-u në bashkëpunim me GIZ gjerman kanë filluar agjendën e re të vizitave nëpër komuna dhe se kësaj radhe temë kyçe e bashkëbisedës është Roli i mësimdhënësit në procesin e hartimit dhe zbatimit të planit zhvillimor të shkollës.
Ai pastaj ka shpalosur elemente nga ky aktivitet për të cilin pjesëmarrësit kanë marr edhe fletëpalosje dhe posterë, të cilët do ti dërgojnë në shkollat e tyre.
Pjesëmarrësit në këtë takim kanë lavdëruar angazhimet e SBASHK-ut dhe kanë vlerësuar lartë edhe këtë aktivitet konkret. Ata kanë thënë se ndihen mirë pasi po vërejnë se kanë rol të rëndësishëm në hartimin e planit zhvillimor të shkollave të tyre.
Në një bashkëbisedë të lirë ata kanë shtuar edhe pyetje konkrete për të marr përgjigje nga kryetari i SBASHK-ut dhe nga z.Lataj. interesim i veçantë ishte çështja që lidhej me ligjin për benefitet që lidhen me vitet '89-'99 por kanë ngritur edhe shqetësime për çështje konkrete në shkollat e kësaj komune.
Pjesëmarrësit kanë vlerësuar se ky takim ishte i suksesshëm dhe se presin që edhe në të ardhmen të organizohen takime për tema dhe çështje konkrete.
Prishtine, 06.05.2016
Duke realizuar agjendën e takimeve me mësimdhënës sindikalistë nëpër komunat e Kosovës, nënkryetari i SBASHK-ut z.Lutfi Mani, kryetari i SAF dhe SAM Prishtinë z.Ahmet Pllana, menaxheri financiar e këshilltari për organizim të brendshëm z.Ymer Ymeri , nënkryetari i SAF dhe SAM Prishtinë z.Isak Vokrri u takuan me kryetarë shoqatash dhe mësimdhënës nga kjo komunë.Kryetari i Kuvendit të SAF dhe SAM të Prishtinës z.Ahmet Pllana ka dhënë një raport të angazhimeve sindikale në këtë komunë.Pas kësaj, nënkryetari i SBASHK-ut ka thënë se SBASHK-u në bashkëpunim me GIZ gjerman kanë filluar agjendën e re të vizitave nëpër komuna dhe se kësaj radhe temë kyçe e bashkëbisedës është Roli i mësimdhënësit në procesin e hartimit dhe zbatimit të planit zhvillimor të shkollës. Z.Ymer Ymeri i ka njoftuar pjesëmarrësit edhe më gjerë për këtë aktivitet ku edhe është bërë shpërndarja e fletëpalosjeve dhe posterëve për ta, të cilët do ti dërgojnë në shkollat e tyre.Pjesëmarrësit në këtë takim kanë lavdëruar angazhimet e SBASHK-ut dhe kanë vlerësuar lartë edhe këtë aktivitet konkret. Ata kanë thënë se ndihen mirë pasi po vërejnë se kanë rol të rëndësishëm në hartimin e planit zhvillimor të shkollave të tyre.Në një bashkëbisedë të lirë ata kanë shtuar edhe pyetje konkrete për të marr përgjigje nga nënkryetari i SBASHK-ut ,z.Ymeri, z.Pllana e z.Vokrri . interesim i veçantë ishte çështja që lidhej me ligjin për benefitet që lidhen me vitet '89-'99 por kanë ngritur edhe shqetësime për çështje konkrete në shkollat e kësaj komune.
Pjesëmarrësit kanë vlerësuar se ky takim ishte i suksesshëm dhe se presin që edhe në të ardhmen të organizohen takime për tema dhe çështje konkrete.
Prishtinë, 05.05.2016
Kryetari i SBASHK-ut z.Rrahman Jasharaj, i shoqëruar nga menaxheri financiar e këshilltari për organizim të brendshëm z.Ymer Ymeri, morën pjesë në punëtorinë ku u bë prezantimi i draftit të Planit Strategjik për Arsim të Kosovës 2017-2021, e cila u organizua nga MASHT, në bashkëpunim me GIZ-CDBE (Zhvillimi i Kapaciteteve në Arsimin Fillor).
Në këtë punëtori prezent ishte edhe ministri i MASHT-it,z.Arsim Bajrami, i cili theksoi rëndësinë e Draftit të Planit Strategjik 2017/ 2021, ku përmes tij synojmë të arrijmë krijimin e një sistemi cilësorë në fushën e arsimit, si parakusht për zhvillimin ekonomik të vendit. "Asnjë proces i zhvillimit ekonomik nuk është i mundur pa një sistem arsimor cilësor dhe të përshtatur me nevojat e tregut të punës. Ne po diskutojmë rrugën tonë për pesë vitet e ardhshme, se si të krijojmë një sistem arsimor cilësor, në përputhshmëri të plotë me nevojat e një ekonomie në zhvillim, i cili do të nxjerr gjenerata të tëra të nxënësve dhe studentëve me kompetenca dhe shkathtësi", është shprehur ministri Bajrami.
Ndërsa, z.James Macbeth, drejtor i Zyrës së GIZ në Kosovë dhe znj. Dagmar Fuchs-Schmitz, udhëheqëse e Projektit GiZ-CDBE kanë vlerësuar lartë bashkëpunimin dhe përkrahjen e fuqishme që i ka dhënë ministri Bajrami dhe organizatat tjera të arsimit, ndër to edhe SBASHK draftimit të Planit Strategjik për Arsim të Kosovës 2017- 2021
Në këtë punëtori SBASHK-u dha sugjerimet dhe kontributin e vet gjatë punës në grupe rreth PSAK 2017/ 2021 për nivelin e Arsimit Parauniversitar ku përfshihen: zbatimi i tërësishëm i Kurrikulës së Re në nivel vendi, përfundimi i procesit për rishikimin e teksteve shkollore, orientimi i hershëm i nxënësve në karrierë, përshtatja e plan-programeve mësimore me nevojat e tregut të punës, përfshirja e obligueshme e fëmijëve në sistemin e edukimit nga mosha 3 vjeçare dhe sistemi i gjithëpërfshirjes.
Forcohet bashkëpunimi mes dy sindikatave të arsimit
Prishtinë, 03.05.2016
Federata e Sindikatave të Arsimit Shqiptar (SFASH) ka organizuar një takim solemn me rastin e kremtimit të 25 vjetorit të themelimit dhe angazhimeve në shërbim të mësimdhënësve të Shqipërisë. Në këtë festë, krahas veprimtarëve sindikalë dhe autoriteteve shtetërore të Shqipërisë ishte ftuar edhe SBASHK-u, që u përfaqësua nga kryetari Rrahman Jasharaj dhe menaxheri për financa e këshilltari për organizim të brendshëm, Ymer Ymeri.
Kryetari i FSASH-it, z. Xhafer Dobrushi në fjalën përshëndetëse ka falënderuar mysafirët që kanë ardhur në Tiranë që bashkë me organet dhe veprimtarët e kësaj sindikate t'i gëzohen 25 vjetorit të themelimit. Ai pastaj është ndalur në momentet kyçe të aktiviteteve dhe arritjeve duke përmendur edhe sfidat e shumta me të cilat kjo Federatë është përballur. Kryetari i Komisionit Parlamentar për Arsim në Parlamentin e Shqipërisë, z. Gëzim Polo ka lavdëruar angazhimet e FSASH-it dhe është shprehur se në të ardhmen shteti shqiptar duhet të shtojë komunikimin me sindikatat për të dëshmuar demokracinë dhe dëshirën që çështjet të gjejnë zgjidhje përmes dialogut. FSASH-in e kanë uruar e përgëzuar për 25 vjetët e angazhimit edhe mysafirë të tjerë.
Në fjalën përshëndetëse në emër anëtarësisë së SBASHK-ut, kryetari Rrahman Jasharaj ka lavdëruar angazhimet e kryetarit Dobrushi për bashkëpunim sa më të madh mes dy sindikatave të arsimit të Kosovës e Shqipërisë. Ai pastaj ka kujtuar se Qeveria shqiptare, populli , po edhe mësimdhënësit u janë gjetur pranë vëllezërve nga Kosova edhe në kohën e zhvendosjes biblike nga dhuna serbe. " Qeveria dhe populli shqiptar hapi dyert e shtëpive dhe zemrat dhe me dashuri vëllazërore na lehtësoi plagët e rënda. Ju kolegë dhe kolege të nderuara hapet dyert e shkollave për mësimdhënësit dhe fëmijët nga Kosova. Na dolët krah në ato ditë tepër të vështira dhe gjithmonë gëzoni respektin tonë. Me sindikatat shqiptare të arsimit ne vazhdojmë bashkëpunimin vëllazëror dhe kemi nënshkruar edhe marrëveshje për angazhime të përbashkëta me qëllim që të jemi zë edhe më i fuqishëm sindikal dhe ta shprehim solidaritetin mes nesh kurdo që e kërkon koha dhe situata", ka thënë veç tjerash në fjalën e tij, kryetari i SBASHK-ut. Delegacioni i SBASHK-ut ka zhvilluar biseda me shumë nga pjesëmarrësit në këtë festë duke këmbyer përvojat për angazhimet sindikale.
U debatua për çështje aktuale dhe për angazhimet në shërbim të anëtarësisë
Prishtinë, 03.05.2016
Këshilli Drejtues i SBASHK-ut ka mbajtur takimin e radhës , të cilin pasi kryetari ishte në një aktivitet sindikal në Istog me kolegët nga Gjimnazi "Haxhi Zeka, e ka udhëhequr nënkryetari i parë, Lutfi Mani. Në këtë takim është bërë një analizë e angazhimeve dhe e përgatitjeve për detyrat në vijim.
Në takimin e Këshillit Drejtues u diskutua për bashkëpunimin mes SBASHK-ut e GIZ dhe për ciklin e ri të takimeve me mësimdhënës e veprimtarë sindikalë nga komunat e Kosovës. Anëtarët e Këshillit Drejtues janë njoftuar nga nënkryetari Mani dhe menaxheri për financa , Ymer Ymeri lidhur me bashkëpunimin e shkëlqyer të SBASHK-ut me GIZ-in dhe për aktivitetin që do të zhvillohet në të gjitha komunat e Kosovës me temën kyçe "Roli i mësimdhënësve në hartimin e Planit Zhvillimor të Shkollës". Ata kanë apeluar për organizim sa më të mirë të takimeve dhe për pjesëmarrje sa më të lartë të mësimdhënësve në to. U mor vendim që të hartohet nga kryesia në bashkëpunim me kryetarët e niveleve komunale një agjendë e takimeve dhe të veprohet sipas saj. Në takime do të jenë të pranishëm edhe përfaqësues të GIZ-it.
Kryetarët e sindikatave komunale gjatë këtij takimi, u furnizuan me nga një poster dhe fletëpalosje për secilën shkollë me temën "Roli i mësimdhënësve në hartimin e Planit Zhvillimor të Shkollës"
Këshilli Drejtues ka bashkëbiseduar edhe për mundësitë që ofron bashkëpunimi me Organizatën turistike "Sierra Tourism" për pushim dhe rekreacion në bregdetin turk. Ata kanë falënderuar z. Ali Kocakaya për respektin ndaj mësimdhënësve të Kosovës dhe për mundësinë që anëtarët e SBASHK-ut dhe familjarët e tyre të pushojnë në bregdetin turk në kushte shumë të volitshme. Z. Ali ka deklaruar se në shenjë respekti për mësimdhënësit e Kosovës ata do të bëjnë përgatitje dhe angazhime shtesë duke treguar edhe për zbritjen prej 20 % nga çmimet e shërbimeve të udhëtimit dhe pushimit. Për të parë nga afër gjithë bukuritë e bregdetit turk u ngrit iniciativa që edhe anëtarë të këshillit Drejtues të jenë pjesë e këtij aktiviteti rekreativ me çmime e kushte të volitshme.
Prishtinë, 03.05.2016
Në bazë të Nenit 76 të statutit Nr. 618/1 te datës 25.02.2014 te SBASHK, Ligjit të punës Nr. 03/212 të datës 01/12/2010, Nenit 10 pika 8 e Rregullores për sistematizimin e punëve dhe detyrave të punës në SBASHK nr. 767/1 dhe vendimit të këshillit drejtues Nr. 761/1 të 09.04.2016, Kryetari i SBASHK-ut, shpallë:
K O N K U R S
Për plotësimin e vendit të punës për nevojat e SBASHK-ut
1. Jurist/e (një pozitë)
Referenca: SBASHK 770/2016
Paga: 9.5 pikë
Mbikëqyrësi: Menaxherit për çështje financiare dhe administrative.
Kohëzgjatja e kontratës: pacaktuar, periudha provuese 6 muaj.
Vendi: Prishtinë.
Detyrat dhe përgjegjësitë:
Zhvillon kërkime ligjore në lëmin e të drejtave të mësimdhënëseve, zgjedh materialet relevante, i analizon informatat dhe interesat e mësimdhënëseve;
Asiston dhe këshillon palët mbi çështjet dhe mbrojtjen e të drejtave punëtoreve të arsimit,
Monitoron institucionet ku mësimdhënësit janë të privuar nga te drejtat e tyre dhe i ndihmon palëve në hartimin e shkresave ligjore.
Mban korrespondencën rreth ankesave të parashtruara nga ankuesit dhe autoritetet tjera relevante;
Përpilon vendime, ankesa dhe shkresa te tjera ligjore per nevojat e SBASHK-ut;
Pranon, interviston, këshillon apo udhëzon palët në zyre dhe në terren;
Kryen detyra të tjera që ndërlidhen me natyrën e punës, të cilat caktohen nga mbikëqyrësi.
Përgatitja profesionale, kualifikimi, aftësitë të tjera:
Diplomë universitare të fakultetit juridik – e obligueshme, kurse kryerja e studimeve Master ose kualifikimet më të avancuara në lëmin e drejtësisë – e preferueshme;
Së paku 3 (tre) vite përvojë pune - e obligueshme, preferohet përvoja e punës në lëmin e drejtësisë ose në institucionet e administratës publike;
Njohje e gjuhës shqipe në të folur dhe të shkruar - e obligueshme;
Njohja e mirë e gjuhës angleze në të folur dhe në të shkruar - preferohet;
Karakter i lartë moral, paanshmëri dhe integritet për të mbrojtur të drejtat e mësimdhënësve;
Aftësi shumë të mira komunikuese;
Aftësi të punoj i pavarur, nën presion, i motivuar dhe me njerëz të moshave të ndryshme dhe me qëndrime dhe opinione të ndryshme;
Aftësi në përdorimin e kompjuterit në programet e MS Office dhe internet – e obligueshme;
Vërtetimin nga gjykata se nuk është nën hetime apo i dënuar për vepër penale (jo më i vjetër se 6 muaj) – e obligueshëm.
Procedura e konkurrimit:
Procedura e konkurrimit është e hapur për të gjithë kandidatët të cilët i përmbushin kriteret e konkursit. Formularët për punësim mund të merren në zyrën e SBASHK-ut.
Formularët për punësim mund të dorëzohen personalisht në zyrën e SBASHK-ut në Prishtinë, Rr. „Agim Ramadani", pn Qendra e Studentëve,Drejtoria, 10000 Prishtinë, çdo ditë pune nga ora 09:00 – 16:00 deri në afatin e fundit për konkurrim.
Formularit për punësim i bashkëngjiten kopjet e dokumenteve të nevojshme; (Letërnjoftimi dhe ekstrakti i lindjes) dhe dëshmitë për kualifikim, përvojë të punës, trajnimet e ndjekura si dhe vërtetimin se nuk është nën hetime apo i dënuar për vepër penale.
Në rast të numrit të madh të aplikacioneve, vetëm kandidatët e përzgjedhur në listën e ngushtë do të kontaktohen. Konkursi mbetet i hapur pesëmbëdhjetë (15) ditë nga dita e publikimit.
Data e fundit për aplikim është 18.05.2016 ora 16. Kërkesat e dërguara pas kalimit të afatit për aplikim, dhe ato të pakompletuara nuk do të shqyrtohen. Për informata shtesë, ju lutem kontaktoni në numrin e telefonit 038 226 940 apo në email adresën Kjo adresë emaili po mbrohet nga spambotet. Të duhet aktivizimi i JavaScript për me e pa.
Prishtine,26.04.2016
Në përgatitje për të nisur ciklin e ri të vizitave nëpër shkolla e komuna të Kosovës kryetari I SBASHK-ut, Rrahman Jasharaj I shoqëruar menaxheri për financa dhe këshilltari për organizim të brendshëm, Ymer Ymeri kanë vizituar fillimisht Skenderajn e pastaj edhe Vitinë. Në Skenderaj ata kanë marrë pjesë në mbledhjen e Shoqatës sindikale të Gjimnazit "Hamëz Jashari" për të bashkëbiseduar me anëtarët këtu për çështjet aktuale në arsim. Të punësuarit në këtë shkollë kanë shtruar shumë pyetje nga aktualiteti. Përfaqësuesit e SBASHK-ut Jasharaj e Ymeri kanë dhënë përgjigje në të gjitha pyetjet dhe kanë treguar për arritjet , por edhe për angazhimet konkrete e momentale në SBASHK.
Të punësuarit në këtë institucion arsimor bashkë me drejtorin e tyre i kanë lavdëruar SBASHK-un për angazhimet dhe arritjet dhe kanë ofruar edhe ide të reja për angazhimet në të ardhmen. Ata janë pajtuar që duhet vazhduar angazhimet lidhur me Projektligjin lidhur me Statutin e mësimdhënësve të Republikës së Kosovës për vitet shkollore 1989/99 deri në vitin shkollor 1998/99.
Ky delegacioni i SBASHK-ut ka vazhduar këtë angazhim edhe në komunën e Vitisë. Atje kanë marrë pjesë në takimin e Kuvendit të Arsimit Fillor e të Mesëm të kësaj komune. Në hapje të këtij takimi kryetari i Kuvendit të SAF e SAM t ë Vitisë, z. Kemajl Bislimi ka përshëndetur përfaqësuesit e SBASHK-ut dhe drejtorin e DKA-së në këtë komunë, z. Qail Sinani.
Drejtori i DKA-së së Vitisë, z. Sinani ka përshëndetur pjesëmarrësit në këtë takim e pastaj ka vlerësuar lartë angazhimin e SBASHK-ut në zgjidhjen e shumë kërkesave të anëtarësisë. Ai ka thënë se bashkërisht duhet shtuar angazhimet që të rishtohet çështja e gjetjes së mundësisë për të shpërblyer mundin e të punësuarve në arsim për vitet 89/99.
Delegacioni i SBASHK-ut ka sjellë në Viti nga dy ekzemplarë për secilën shkollë të veprës së njeriut të madh me prejardhje shqiptare Mehmet Akif Ersoj. Në këtë takim kryetari Kemajl Bislimi ka shtruar para anëtarëve të Kuvendit të SAF e SAM çështjen e zgjedhjeve në këtë komunë. Është thënë se në bazë të Statutit mund të bëhen zgjidhjet për organet e Kuvendit të SAF e SAM në këtë komunë , pasi që deri tani është konsideruar se z. Bismili ka qenë duke kryer këtë detyrë deri në një vendim tjetër. Anëtarët e Kuvendit të SAF e SAM në Viti duke u nisur nga fakti se viti i ardhshëm do të jetë vit i zgjedhjeve në të gjitha Shoqatat sindikale, në Kuvendet e SAF e Sam në të gjitha komunat, në Universitet dhe në Kuvendet e dy niveleve tjera të arsimit kanë vendosur që kryetari Bislimi dhe anëtarët e kryesisë këtu të vazhdojnë angazhimet dhe kryerjen e detyrave deri në vitin 2017 kur edhe këtu , si në gjithë Kosovën , do të bëhen zgjidhje në të gjitha nivelet e organizimit.
Pas kësaj pjesëmarrësit dhe delegacioni i SBASHK-ut kanë zhvilluar një bashkëbisedë duke shtruar shumë çështje aktuale dhe duke marrë përgjigje nga kryetari Rrahman Jasharaj dhe menaxheri për financa e këshilltar për organizim të brendshëm , Ymer Ymeri. Delegacioni i SBASHK-ut ka informuar se maji do të jetë muaj i realizimit të agjendës së vizitave të punës në të gjitha komunat dhe në bashkëpunim me GIZ-in do të kenë temë kyçe të debatit rolin e mësimdhënësit në përpilimin e Planit Strategjikë të Shkollës.